Ինձ էլ սեր է պետք. Սկարլետ Յոհանսոն

Ի տարբերություն շատ դերասանուհիների' այս աղջնակը լրիվ պատահական է հայտնվել դերասանական աշխարհում: Նրա «ծանոթությունն» այդ ոլորտի հետ եղել է լրիվ պատահական. հարազատներից ոչ մեկը կապ չի ունեցել ո´չ կինոյի, ո´չ թատրոնի հետ: Նրա մանկության երազանքն էր «դառնալ երգչուհի և սովորել լավ պարել»:

Ամերիկացի դերասանուհի Սկարլետ Յոհանսոնը ծնվել է 1984թ-ի նոյեմբերի 22-ին Նյու Յորքում: Հայրը արմատներով դանիացի է, աշխատել է շինարարական ոլորտում, իսկ մայրը զբաղվել է երեխաների' երկու տղաների և երկու աղջիկների դաստիարակությամբ: Ընտանիքի բարեկամներից մեկը Սկարլետի ծնողներին խորհուրդ է տալիս աղջիկներին տանել ինչ-ինչ ընտրակամ մրցույթների: Որոշելով փորձել նրանց ճակատագիրը' մայրը մրցույթների է տանում ոչ միայն աղջիկներին, այլ նաև բոլոր երեխաներին: Սկարլետն այդ ժամանակ ընդամենը 7 տարեկան էր: Փորփերից հետո պարզ է դառնում, որ ընտանիքի երեխաներից ամենաուժեղ տպավորությունը թողել է երեխաների ավագ որդին' Էդրիանը: Այդ փասը շատ է վրդովվեցնում Սկարլետին. Նա չի հաշտվում, որ եղբորն են նկատում և գնահատում ու հենց մրցութային գործակալությունում էլ տեսարան է սարքում:

Ինչ-որ առումով նաև նախանձից դրդված' Սկարլետը սկսում է մասնակցել տարբեր փորձադիտումների' առանց հաշվի առնելու' ինչ դերի համար է այն և ինչ է իրենից պահանջվում: Նրան նեցուկ է լինում մայրը' ամեն հարցում աղջկան աջակցելով և քաջալերելով, որպեսզի կարողա դառնալ դերասանուհի: Ամեն ինչ անում է, որ աղջիկն ընդունվի թատերական ինստիտուտ, որտեղ կարող էին ընդունվել միայն շնորհալի և տաղանդավոր երեխաները: Այստեղ սովորելով 8-ից մինչև 11 տարեկան' իր տաղանդի շնորհիվ սկսում է խաղալ ոչ մեծ դերեր հենց նույն ինստիտուտի թատերական բեմում. «Ահավոր վախենում եմ բեմից, բայց պետք է կարողանամ հաղթահարել վախս»:

Այդպես էլ եղավ…Կես տարի խաղալուց հետո, նրան տեղափոխում են մեծերի բաժին: Ի տարբերություն գովազդային հոլովակների, որոնք դերասանուհուն մի փոքր ավելի դժվարությամբ էին տրվում, ֆիլմում ամեն բան այլ կերպ ընթացավ: 1994թ-ին ստանում է կինոյում նկարահանվելու իր առաջին առաջարկը: Հենց այդ ժամանակվանից էլ սկսվում է նրա դերասանական կարիերան կինոյում: Չկարողանալով համատեղել նկարահանումներն ու ուսումնառությունը դպրոցում' տեղափոխվում է մասնավոր դպրոց, հետո էլ ընդհանրապես սկսում դասերը սովորել նկարահանման հրապարակում:

Շնորհիվ հերթական' «Գողերը» ֆիլմի, որտեղ Սկարլետը մարմնավորում է մանկատանը հայտնված 16-ամյա աղջնակի, դերասանուհուն սկսում են հատուկ ուշադրություն դարձնել: Դերասանուհին, խոսելով իր մարմնավորած կերպարների մասին, ասում է. «Իմ հերոսների սեքսուալությունն այնպիսին է, ինչպիսին լուսամփոփը մթության մեջ, այսինքն' ինքն իրենով լույս է տալիս»:

Սկարլետի ստեղծագործական կյանքն ընթանում է շատ հագեցած և բուռն, սակայն նրա իրական ու իրապես ի վերուստ տրված տաղանդը բացահայտում է Սոֆի Կոպոլին' «Դժվարությունների թարգմանություն» ֆիլմում: Տխուր ու մելամաղձոտ պատմությունը երկու միայնակ անձանց, ովքեր փորձում են իրար գտնել անծանոթ քաղաքում, դառնում է տարվա բացահայտում: Ֆիլմը «Ոսկե գլոբուսում» նոմինացված է լինում «լավագույն ֆիլմ», «լավագույն սցենար», «լավագույն դերասանական խաղ» անվանակարգերում: Իհարկե, առանց մրցանակի դերասանուհին չի մնում, Բրիտանական կինոակադեմիայի կողմից ճանաչվում է լավագույն դերասանուհի:

Այս հաջողություններն, իհարկե, սկիզբն են այն դերերի, որոնք գրավում ու տպավորություն են գործում հազարավորների վրա: Իր' դեռևս երիտասարդ հասկանին, Սկարլետն այսօր հոլիվուդյան ամենապահանջված, սիրված և տաղանդավոր դերասանուհիներից մեկն է:

Գեղեցկությունն այն է, երբ քո մեջ տեսնում են ամեն ինչ և միանգամից, իսկ սեքսուալությունը, երբ գեղեցիկ զգեստ հագնելով' ինքդ քեզ ասում ես' ես այս ինչ սեքսուալ եմ:

Ես շատ անկախ անձնավորություն եմ, կարող եմ ինքս իմ մասին հոգ տանել, բայց ինձ էլ է պետք սեր:

Մարդկանց մեջ ամենաշատը գնահատում եմ անկեղծությունն ու մաքրությունը, այնքան ազդեցիկ է, երբ կարողանում ես «նայել» մարդկանց հոգու մեջ, ինքս էլ փորձում եմ միշտ անկեղծ լինել:

Կյանքում ամենահրաշալի պահն այն է, երբ զգում ես, որ ուր որէ սիրահարվում ես մինչև ականջներիդ ծայրը:

Տանել չեմ կարողանում կալորիաներ հաշվելը, սննդակարգեր պահելը և մարզասրահ հաճախելը:

Երջանկություն է, երբ գիտես, թե ուր ուղղել խենթություններդ: