Աշխարհի խաղամոլ միլիարդատերի կյանքից մի քանի դրվագ. Քերրի Պակեր
Կան մեծ ձկներ, սակայն կան նաև կետեր
Խաղատների օպերատորները “կետ” տերմինն օգտագործում են այն խաղացողների համար, որոնք ունակ են կորցնել միլիոն դոլարներ: Այդպիսի կետերի 80%-ն ասիացիներ են' ներառյալ Բրունեյի սուլթանը, զենքի վաճառքով զբաղվող Ադնանա Կաշոգին և այլն: Նման կետերին տալիս են նախագահական համարներ հյուրանոցներում, անվճար տրամադրում են հնարավոր յուրաքանչյուր ծառայություն, օրինակ' խաղատան ռեակտիվ ինքնաթիռով զբոսնելը: Այդպիսի կետերի մեծամասնությունը խաղում է առանձին' իրենց համար հատկացված սրահներում: Նրանք ունեն նաև 5 միլիոն դոլարի կրեդիտ, որի սահմանը հասնում է մինչև 10 միլիոնի:
Այս աշխարհում կա մի լեգենդար անձնավորություն' Ավստրալիայի ամենահարուստ մարդը' մեդիամագնատ Քերրի Պակերը, որը համարվում է ամենագլոբալ խաղացողներից մեկը: Նրա կապիտալը կազմում է 5 միլիարդ ավստրալական դոլար: Մի անգամ, նա խաղում էր Քըրքորյանին պատկանող խաղատներից մեկում և միանգամից 8 սեղաններում: Այդ ժամանական նա կարողացավ հաղթել 4 մլն դոլար, որից հետո ցնծում էր երեխայի պես, սակայն, Քըրք Քըրքորյանի “վրեժն” ավելի դաժան էր: Մի քանի տարի հետո' 3 օրում Լաս-Վեգասի նույն Bellagio խաղատանը 20 միլիոն դոլար պարտվեց, որից հետո մի բառ անգամ չաարտասանեց: Իսկ օրինակ Բրիտանիայում' նա կորցրեց 13 միլիոն ֆունտ, որը ռեկորդ էր հանդիսանում այդ երկրի համար: Սակայն այդքան կորուստները երբեք չեն ստիպի Պակերին հրաժարվել իր հոբբիից:
Պակերը փոքր ժամանակ շատ թույլ ու հիվանդ երեխա էր և եթե չլիներ սպորտը, նա դժվար թե կարողանար լիարժեք ապրել: Հետագայում Պակերն ասում էր, որ ինքն իսկապես հիմար էր, սակայն սպորտի միջոցով կարողացավ իրեն վերագտնել: Նա դպրոցն ավարտում է 19 տարեկանում և հոր մահից հետո ստանձնում է ընտանեկան բիզնեսի ղեկավարումը' “Belle” և “Sydney’s Daily Telegraph” թերթերը, որոնք ամենահայտնին էին Ավստրալիայում: Հետաքրքիրն այն է, որ հայրը նրան համարում էր հիմար երեխա և միշտ անհանգստանում էր, թե ինչպես պետք է զարգանա իրենց բիզնեսը: Պակերը շատ հաջողությամբ զարգացրեց իրենց ընտանեկան բիզնեսը և վաճառեց այն միլիարդ դոլարով: Բոլորը Պակերին համարում էին բիզնեսում լավ հոտառություն ունեցող անձնավորություն, քանի որ որոշ ժամանակ անց նա ետ է գնում այդ թերթերն արդեն 250 մլն դոլարով:
Պակերը համարվում է աշխարհի ամենախելացի պոկեր խաղացողներից մեկը, քանի որ ուներ շատ լավ հիշողություն և կարողանում էր հիշել բոլոր քարտերը: Ասում են, որ մի գիշեր նա շատ սոված է լինում և հյուրանոցում նրան չեն կերակրում: Զայրացած այս ամենից նա դուրս է գալիս հյուրանոցից և այցելում մոտակա բար: Հետաքրքրությունից դրդված' նա հարցնում է մատուցողուհուն, թե ինչն է պատճառը, որ նա այդ ուշ գիշեր դեռ աշխատանքի է, ինչին մատուցողուհին պատասխանում է, որ պարտքերի համար է աշխատում: Երբ Պակերը հեռանում է, սեղանին թողնում է մի փոքրիկ անձեռոցիկ, որի մեջ լինում է 10000 դոլար, այնքան, ինչքան պարտք էր մատուցողուհին:
Վայելե՞լ: Իհարկե, ես անում եմ այն, ինչ ինձ դուր է գալիս – Քերրի Պակեր