на Русском
Միրզոյանը և Ֆինլանդիայի խորհրդարանի նախագահը ... 
Մանասյանն ընդունել է Equal Right Trust հիմնադ... 
Արդյոք հնարավո՞ր է հետաձգվեն ուսումնական տարվա ավարտը եւ ավարտական քննությունները
Դա կախված կլինի հեռավար ուսուցման այն ծավալից, թե մեր հարգելի ուսուցիչները կիրականացնեն: Այս մասին այսօր՝ մարտի 18-ին, կառավարությունում լրագրողների հետ հանդիպման ժամանակ նշեց ԿԳՄՍ նախարար Արայիկ Հարությունյանը՝ պատասխանելով հարցին, թե արդյոք հնարավո՞ր է հետաձգվեն ուսումնական տարվա ավարտը եւ ավարտական քննությունները:
«Եթե մենք տեսնենք, որ հեռավար ուսուցման ծավալը ամբողջական է, կամ մեծ ծավալներ է կրում, մենք կարող ենք ըստ դրա եզրակացություններ անել, թե արդյոք լրացուցիչ դասերի եւ ուսումնական տարվա երկարաձգման կարիք կունենանք, թե ոչ:
Պետք է այնպես անենք, որ եթե նույնիսկ հետաձգումներ լինեն, դրանք քիչ լինեն»:
Հարցին, թե ինչպես է լուծվելու ամառային զորակոչին բանակ գնացող ավարտական դասարանի աշակերտների հարցը, արդյոք հնարավորություն տրվելու է ընդունելության քննություններին մասնակցել, նոր մեկնել ծառայության, նախարարը պատասխանեց. «Մենք ամեն ինչ պետք է անենք, որ զորահավաքային գործընթացները չվտանգենք, սերտորեն պետք է համագործակցենք ՊՆ-ի հետ՝ հատկապես ավարտական դասարաններում գործընթացները պատշաճ կերպով իրականացնելու եւ զորահավաքի բնականոն ընթացքն ապահովելու համար»:
Իր հերթին ԿԳՄՍ փոխնախարար Ժաննա Անդրեասյանն ասաց. «Սա միջգերատեսչական տիրույթում գտնվող հարց է, պետք է սերտ քննարկումներ ունենալ այլ նախարարությունների, այդ թվում ՊՆ-ի հետ: Ավարտական դասարանների ծանրաբեռնվածությունը, հատկապես երկրորդ կիսամյակում ամենաթեթեւն է, եւ այս տեսանկյունից մենք ավելի բարենպաստ իրավիճակում եւ ունենք ավելի մեծ հնարավորություն խտացնելու ուսումնական ծավալը»:
