Էջմիածնի դպրոցի աշակերտներին եւ նրանց ծնողներին մեկուսացնում են (Լուսանկար)

Ինչպես քիչ առաջ հաղորդել էինք, Կորոնավիրուսով վարակվածների մեջ դպրոցահասակ երեխա կա:

Էջմիածնում կորոնավիրուսով վարակված դպրոցահասակ երեխան մասնակցել էր հայտնի նշանդրեքին: Հայտնի է դարձել, որ երեխան սովորում է Էջմիածնի 4-րդ դպրոցում, երրորդ դասարանում, առաջին հերթում:

Այս պահին մեկուսացնում են երեխայի դասարանի աշակերտներին եւ ծնողներին:

Նրանց դպրոցի բակից տեղափոխում են հատուկ ավտոբուսով:

Ավելի վաղ հայտնել էինք, որ մարտի 14-ին կորոնավիրուսի հաստատված դեպքերից մեկը գրանցված է դպրոցահասակ երեխայի մոտ։ Երեխան հոսպիտալացված է, իսկ դպրոցում նրա շփման շրջանակը՝ դասընկերներն ու ուսուցիչները մեկուսացվում են:

Նշենք, որ ըստ վերջին տվյալների՝ Հայաստանում կորոնավիրուսի հաստատված դեպքերի թիվը հասել է 20-ի։