Թրամփը հայտարարարել է, որ ԱՄՆ-ը ձեռք կբերի նավթի մեծ քանակություն ռազմավարական պահուստի համար

Միացյալ Նահանգները ձեռք կբերեն նավթի մեծ քանակություն ռազմավարական պահուստի համար՝ հաշվի առնելով ցածր գինը: Այդ մասին հայտարարել է ԱՄՆ նախագահ Դոնալդ Թրամփը Սպիտակ տան Վարդագույն բացատում կայացած մամուլի ասուլիսի ժամանակ, հաղորդում է ՏԱՍՍ-ը:

«Հիմնվելով նավթի ցածր գնի վրա՝ ես հանձնարարել եմ էներգետիկայի նախարարին ձեռք բերել նավթի մեծ քանակություն երկրի ռազմավարական պահուստային պաշարները համալրելու համար: Մենք կլցնենք այն մինչեւ վերջ»,-նշել է երկրի ղեկավարը:

Ամերիկայի առաջնորդի խոսքով՝ այդ որոշումը թույլ կտա տնտեսել ամերիկյան հարկատուների համար միլիարդավոր դոլարներ, ինչպես նաեւ կնպաստի ԱՄՆ արդյունաբերությանը: Թրամփն ընդգծել է, որ այդ քանակության նավթի գնումն անհնարին էր մեկ շաբաթ առաջ, իսկ որոշումն ընդունվել է ճիշտ պահին, ճիշտ տեղում:

Երեքշաբթի ԱՄՆ էներգետիկայի նախարարությունը որոշում էր կայացրել չեղարկել նավթի պլանավորված վաճատքը նավթային ռազմավարական պահուստից:

Ռուսաստանն ու Սաուդյան Արաբիան նախաձեռնել էին ՕՊԷՔ+ համաձայնագիրը, որում մասնակցում է 24 երկիր, 2016 թվականի վերջում, երբ նավթի գները երկար ժամանակ գտվում էին ցածր մակարդակում եւ անգամ նվազել էին մինչեւ 1 բարելի դիմաց 28 դոլար: 2017 թվականի սկզբից գործարքը հաջողությամբ իրականացվում էր, մասնակիցները սկսել էին կրճատել արդյունահանումը, ինչը թույլ էր տվել 2 տարվա ընթացքում առաջին անգամ բարձրացնել նավթի գինը՝ հասցնելով 1 բարելը 40 դոլարի: Համաձայնագիրը բազմիցս երկարաձգվում էր, սակայն 2020 թվականի մարտի 6-ին Վիենայում կայացած հանդիպման ժամանակ կողմերին չէր հաջողվել համաձայնության գալ այն երկարաձգելու հարցում: Ապրիլին գործարքի բոլոր մասնակիցներն իրավունք ունեն վերականգնել նավթարդյունահանումն իրենց հայեցողությամբ, իսկ Սաուդյան Արաբիան արդեն հայտարարել է շուկաները գրավելու համար առավելագույն չափով նավթ արդյունահանելու մտադրության մասին: