Օլգա Բուզովան կորոնավիրուսի պատճառով չեղյալ է հայտարարել Դավիթ Մանուկյանի հետ դեպի Փարիզ ուղևորությունը (Լուսանկարներ)

Ռուսաստանցի երգչուհի եւ հեռուստահաղորդավարուհի Օլգա Բուզովան Instagram-ի իր հետեւորդներին պատմել է, որ կորոնավիրուսի պատճառով չեղյալ է համարել բլոգեր Դավիթ Մանուկյանի հետ դեպի Փարիզ ռոմանտիկ ուղեւորությունը:

«Ազատել էի մարտի 10-ն ու 11-ը իմ գրաֆիկը, ամրագրել էի հյուրանոցը, ձեռք էի բերել ինքնաթիռի տոմսեր, կազմակերպել էի Մադոննայի "Մադամ X" շոուի տոմսերը, եւ նույնիսկ ամրագրել էի ռեստորան՝ երեկոյան Էյֆելյան աշտարակի տեսարանով։ Բայց իմ երազանքը վիճակված չէր իրականանալ։ Ֆրանսիան հայտնվել է անցանկալի երկրների ցանկում՝ մեր երկրի քաղաքացիներին այցելելու համար։ Դրանից հետո «Ռոսպոտրեբնադզորը» քաղաքացիներին խնդրում է կարանտինում մնալ 14 օր։ Ես նման բան ինձ ոչ մի կերպ չէի կարող թույլ տալ», - գրել է Բուզովան։

Երգչուհին ընդգծել է, որ չի կարող իրեն թույլ տալ այդքան ժամանակ նստել տանը, քանի որ մարտին իր մոտ մի քանի համերգ է նախատեսված Ռուսաստանի քաղաքներում:

«Ես չեմ կարող խախտել բժիշկների ցանկություններն ու ռիսկի ենթարկել մեր առողջությունը։ Այդ պատճառով ես որոշել եմ չեղարկել այդ ուղեւորությունը, որպեսզի ռիսկի չենթարկեմ ինձ, իմ հարազատներին եւ ձեզ», — բացատրել է երգչուհին ։

Երկրպագուները մեկնաբանություններում գրառումը պաթոս են անվանել եւ հիշեցնել, որ Մադոննան չեղյալ է հայտարարել իր փարիզյան ելույթը, ուստի Բուզովայի կողմից ոչ մի զոհ չկա: