Աննախադեպ վիրահատություն. 4.5 տարեկան Անգելինան վիրահատվել է. ի՞նչ է այդ մասին հայտնի (Լուսանկարներ)

4.5 տարեկան Անգելինայի մոտ ախտորոշվել էր սրտի հիվանդություն, որը կոչվում է դիլատենտալ կարդիոմիոպատիա: Հիվանդությունն անհապաղ վիրահատություն է պահանջել, նախկինում Հայաստանում նման վիրահատություն չի անցկացվել:

Մարտի 8-ի լույս 9-ի գիշերը «Նորք-Մարաշ» բժշկական կենտրոնում երեխային «արհեստական ձախ փորոք» կոչվող սարք են տեղադրել: Վիրահատությունն անցկացրել են հայտնի սրտավիրաբույժ Հրայր Հովակիմյանը, որն այժմ գտնվում է Հայաստանում, ինչպես նաեւ Գագիկ Հեբոյանն իր գործընկերների հետ:

Վիրահատությունն արժեցել է 100 000 դոլար, այդ գումարի 70%-ը հավաքվել է 2 օրում շնորհիվ ֆանդրեյզինգի: Մյուս 30%-ն առողջապահության նախարար Արսեն Թորոսյանի հրամանով վճարել են պետբյուջեից:

Այս պահին աղջկա վիճակը գնահատվում է կայուն ծանր: Վիրահատության մասին այլ մանրամասներ հայտնի կդառնան ավելի ուշ: