Մարտի պրեմիերաները. արժե այցելել կինոթատրոն

«Ֆանտազիայի կղզիները»

Ինչպես ասում են, վախեցեք ձեր ցանկություններից:

Առեղծվածային պարոն Ռորկը կյանքի է կոչում իր հյուրերի ամենահամարձակ եւ գաղտնի երազանքները շքեղ, դժվար հասանելի արեւադարձային հանգստավայրում: Բայց արդյո՞ք հյուրերը պատրաստ կլինեն գուշակել կղզու առեղծվածը եւ փրկել իրենց կյանքը, երբ նրանց ֆանտազիաները մղձավանջի վերածվեն:

Պրեմիերան` մարտի 5-ին:

«Առաջ»

Նույնիսկ չենք կասկածում, որ Pixar ստուդիայի հերթական մուլտֆիլմը գլուխգործոց կլինի:

Էլֆ եղբայրներ Իեն եւ Բարլի Լայթֆութներն ապրում են կախարդական աշխարհում, որը բնակեցված է տրոլներով, գոբլիններով, թզուկներով ու միաեղջյուրներով: Ժամանակին նրանց աշխարհը լի էր կախարդանքով, բայց այդ ժամանակներն անցել են, եւ այժմ հեքիաթային արարածները թռչում են ինքնաթիռներով, ավտոմեքենաներ են օգտագործում եւ ընդհանուր առմամբ պրոզաիկ կյանք են վարում: Սակայն անսպասելի գտածոն հանգեցնում է նրան, որ եղբայրները որոշում են հրապուրիչ ճանապարհորդության կատարել` հնագույն լեգենդներից իրական կախարդանքը գտնելու համար:

Էկրաններին դիտեք մարտի 5-ից

«Բլադշոթ»

Վին Դիզելի բրուտալ ճաղատը ցանկանում է եւս մեկ ֆրանշիզա՞ սկսել:

RST կորպորացիան կյանքի է վերադարձնում վերջերս սպանված զինծառայող Ռեյ Հարիսոնին: Նրա արյան մեջ նանոռոբոտների բանակը Ռեյին վերածել է անմահ Բլադշոուի, որն օժտված է գերհզոր ուժով եւ ինքն իրեն ակնթարթորեն բուժելու ունակությամբ: Վերահսկելով Ռեյի մարմինը` ընկերությունը ազդում է նրա մտքի եւ հիշողությունների վրա: Բայց հերոսը ամեն ինչ կանի` ճշմարտությունը պարզելու համար:

Կինոթատրոններում դիտեք մարտի 12-ից:

«Խաղաղ վայր 2»

2018 թվականի աղմուկ հանած սարսափ ֆիլմի շարունակությունն է:

Իսկ դու որքա՞ն երկար կկարողանաս լուռ մնալ:

Էբոտ ընտանիքը շարունակում է պայքարել լիակատար լռության մեջ ապրելու համար: Մահացու սպառնալիքից հետո, որին նրանք բախվեցին տանը, առնչվելու են արտաքին աշխարհի սարսափներին: Նրանք ստիպված են ուղեւորվել դեպի անորոշություն, բայց շատ արագ հայտնաբերում են, որ ձայնից որսի ելնող էակները անվտանգ ավազե արահետի սահմաններից դուրս միակ թշնամիները չեն…

Պրեմիերան՝ մարտի 19-ին:

«Մուլան»

Disney ստուդիայի դասականի հերթական էկրանավորումն է:

Պատմություն է խիզախ երիտասարդ աղջկա մասին, որն իրեն տղամարդ է ներկայացնում բանակի շարքերն ընդունվելու համար, որը դիմակայում է Չինաստանի վրա արշավող Հյուսիսային նվաճողներին:

Էկրաններին դիտեք մարտի 26-ից:

Հաճելի դիտում

Նորայր Նազարյան