Էրդողանն արդարանում է Իդլիբում զինվորների զոհվելուց հետո ծիծաղելու համար՝ սատանայի մատը խառն է

Թուրքիայի նախագահ Ռեջեփ Թայիփ Էրդողանը ասել է, թե կադրերը, որտեղ ինքը կատակում եւ ծիծաղում է Իդլիբում թուրք զինվորների զոհվելուց երկու օր անց, «սեւ քարոզչություն է» եւ «սատանայի դավադրություն», գրում է Hürriyet-ը։

Անցյալ շաբաթ օրը ելույթի ժամանակ Էրդողանի ծիծաղը, երբ նա պատմում էր Դոնալդ Թրամփի հետ իր զրույցի մասին, զայրույթ է առաջացրել սոցցանցերում։

«Դա հեգնանք էր, ես մեջբերում էի Թրամփի հետ խոսակցությունը։ Դա սատանայի քարոզչություն էր։ Ես ցնցված եմ այդ մոտեցումից, որը հեռու է մեր արժեքներից»։

Այն բանից հետո, երբ ծիծաղող Էրդողանի տեսանյութը տարածվեց սոցցանցերում, Թուրքիայի օգտատերերը Twitter-ում թողարկեցին #negülüyorsunerdoğan-ը (Ինչի՞ վրա ես ծիծաղում, Էրդողան)։