Հայաստանը ռադիոտեղորոշիչ ռադարներ կգնի Հնդկաստանից

Հայաստանը Հնդկաստանի հետ 40 մլն դոլարի գործարք է կնքել ռադիոտեղորոշիչ չորս Swathi համակարգերի ձեռքբերման համար, հաղորդում է հնդկական Timesnow.com կայքը։

Ըստ կայքի, Հնդկաստանն արդեն սկսել է ռադիոտեղորոշիչ համակարգի մատակարարումը Հայաստանին, ինչը լուրջ խթան է պաշտպանական ոլորտում Made in India կառավարական ծրագրի համար։

Ռադիոտեղորոշիչ համակարգը մշակել է Հնդկաստանի Պաշտպանական հետազոտությունների և մշակումների պետական կազմակերպությունը (Defence Research and Development Organisation), իսկ արտադրողը Bharat Electronics Limited-ն է:

Կայքը, Հնդկաստանի կառավարությունում իր աղբյուրին հղումով նշում է, որ Ռուսաստանի և Լեհաստանի առաջարկած համակարգերի մանրամասն փորձարկումներից հետո հայկական կողմը կանգ է առել հնդկական փորձարկված ռադիոտեղորոշիչ համակարգի վրա։