на Русском
«Վերադարձ Երևան»․ Աննա Հակոբյանը տեսանյութ է ... 
Ոչ ոք չպետք է լռի բռնության առջև, դա յուրաքան... 
ԱՄՆ հատուկ ծառայությունները հետեւում են կորոնավիրուսի գլոբալ տարածմանը
ԱՄՆ հատուկ ծառայությունները հետեւում են կորոնավիրուսի գլոբալ տարածմանը՝ մտավախություն ունենալով՝ կապված Հնդկաստանի իրավիճակի հետ, հաղորդում է Reuters-ը:
Չնայած նրան, որ Հնդկաստանում կորոնավիրուսի մի քանի դեպք է գրանցվել, աղբյուրներից մեկը հայտնել է, որ երկրում առկա կոնտրմիջոցները՝ հաշվի առնելով Հնդկաստանի խիտ բնակչությունը, լուրջ մտահոգություն են առաջացնում:
ԱՄՆ հատուկ ծառայություններն ուշադրությունը կենտրոնացնում են նաեւ Իրանի վրա: ԱՄՆ պետքարտուղար Մայք Պոմպեոն ավելի վաղ հայտարարել է, որ ԱՄՆ-ը «խորապես մտահոգված է», որ Թեհրանը, հավանաբար, թաքցրել է կորոնավիրուսի տարածման մանրամասները:
ԱՄՆ կառավարության աղբյուրը հայտնել է, որ Իրանը նվազագույն հնարավորություններ ունի վիրուսի բռնկմանն արձագանքելու համար:
Կորոնավիրուսի համաճարակին հակազդելու գործում ԱՄՆ հատուկ ծառայությունները սերտորեն համագործակցում են առողջապահության հաստատությունների հետ:
Աղբյուրներից մեկը հայտնել է, որ ԱՄՆ հատուկ ծառայություններն օգտագործում են հետախուզական գործիքների լայն շրջանակ՝ գաղտնի տեղեկատուներից մինչեւ էլեկտրոնային գաղտնալսման միջոցներ՝ վիրուսի ազդեցությանը հետեւելու համար:
