Մեջբերումներ հայտնի գրքերից

Աշխարհի արցունքները հաստատուն մեծություն են: Ամեն մեկի դիմաց ով սկսում է լաց լինել, մի ուրիշ տեղ մեկը դադարում է:

Սամուել Բեկետ «Գոդոյին սպասելիս»

Ովքեր սիրո մեջ հավատարիմ են, նրանց հասանելի է միայն սիրո էությունը: Իսկ սիրո ողբերգությունը ճանաչում են միայն նրանք, ովքեր դավաճանում են:

Օսկար Ուայլդ «Դորիան Գրեյի դիմանկարը»

Երկու անգամ չեն ապրում, բայց կան շատերը, ովքեր նույնիսկ մի անգամ ապրել չեն կարողանում:

Ռյուքերտ

Դու մի՛ վախենա: Ոչինչ չի պատահի, որովհետև դու ունես երկու սիրտ: Եթե հանկարծ օդում մեկը դադարի, կբաբախի երկրորդը: Դրանից մեկը քեզ տվել է մայրդ: Գիտե՞ս ինչպես: Մի քանի տարի առաջ կարողացել եմ սիրել: Մի՛ ծիծաղիր, անչափ դժվար է սիրելը: Երկրորդ սիրտը նվիրել եմ ես: Քեզ մոտ պահիր իմ խենթ սիրտը ու ոչ մի բանից մի՛ վախենա: Եթե հանկարծ մեկը դադարի, կապրի երկրորդը: Ինձ համար մի՛ անհանգստացիր: Հեշտ ու հրաշալի է ապրել աշխարհում, երբ իմ սիրտը քեզ մոտ է:
Պարզ ճշմարտություն:

Լեոնիդ Ենգիբարյան