на Русском
Ակնհայտ է, որ Ադրբեջանի Սահմանադրությունն ուն... 
ՀՀ ԶՈՒ հավաքականը թիմային աղյուսակում հունահռ... 
Հայ համայնքն անմասնակից չի մնացել Լիբանանի ներքաղաքական պրոցեսներին. խմբագիր
Լիբանանում հայ համայնքը անմասնակից չի մնացել երկրի ներքաղաքական պրոցեսներին: Այս մասին փետրվարի 4-ին տեսակապով հայտարարել է Լիբանանում լույս տեսնող «Ազդակ» թերթի գլխավոր խմբագիր Շահան Կանդահարյանը:
Նրա խոսքով՝ համայնքի ներկայացուցիչները եւս մասնակցում են բողոքի ակցիաներին, սակայն դա մասնավոր բնույթ է կրում եւ կազմակերպված չէ հայկական որեւէ կառույցի կողմից: «Ինչ վերաբերում է համայնքի գործունեությանը, ապա այն չի տուժել եւ չէր կարող տուժել՝ հաշվի առնելով այն, որ համարվում է տարածաշրջանում ամենակազմակերպված համայնքներից մեկը: Բացի այդ, համայնքն անհրաժեշտ փորձ է կուտակել քաղաքացիական պատերազմից հետո»,- նշել է նա:
Կանդահարյանը խոստովանել է, որ երկրում աննախադեպ ճգնաժամ է, քանի որ ճնշման ռազմական մեթոդները փոխարինվել են ֆինանսատնտեսական մեխանիզմներով: «Նման պայմաններում շատ կարեւոր է Հայաստանի եւ հայ համայնքի համատեղ գործունեությունը»,- հավելել է գլխավոր խմբագիրը:
Անդրադառնալով Լիբանանի քաղաքական իրավիճակին՝ նա նկատել է, որ ցուցարարները, ըստ էության, հասել են եւս մեկ նպատակի. ձեւավորվել է տեխնոկրատների կառավարությունը, որը, ինչպես ակնկալվում է, կգործի ի շահ երկրի:
