«Սիրածդ մարդուն ուզում ես փաթաթվել ու ճզմել մեջդ, որ երբեք քեզ չթողնի, որ մի սանտիմետր անգամ չկարողանա հեռանալ»․ Նազենի Հովհաննիսյան

Դերասանուհի, հեռուստահաղորդավարուհի Նազենի Հովհաննիսյանը նոր լուսանկար է հրապարակել, որում ներկայացել է հմայիչ ու գեղեցիկ կերպարում։

Instagram-յան էջում հրապարակված կադրում դերասանուհին կրում է սեւ զգեստ, նույն երանգի բարձրակրունկ երկարաճիտներ։ Կերպարն ամբողջացրել է գոտին։ Հրապարակմանը կից Նազենի Հովհաննիսյանը գրել է․

«Սիրածդ մարդուն ուզում ես փաթաթվել ու ճզմել մեջդ, որ երբեք քեզ չթողնի, որ մի սանտիմետր անգամ չկարողանա հեռանալ, որ ամեն մի շունչն ու հևոցը զգաս ու, իր երակում արյան վազքի արձագանքն անգամ լսես սրտիդ մեջ:

Սիրածդ մարդուն ուզում ես էնքան նայել, որ հավերժության մեջ դրոշմվի պատկերը, որ հանկարծ չլղոզվի իր պատկերը ժամանակի մեղքով, որ անգամ բացակա վայրկյաններում` այդ պատկերը աչքիդ, սփոփանք գտնես, մինչև հաջորդ հանդիպում:

Սիրածդ մարդուն ուզում ես «մասնատել» ու շաղ տալ աշխարհով մեկ, որ օդի մեջ ամենուր ՆԱ լինի, որ թթվածնի յուրաքաչյուր բաղադրիչ ու քո ամեն մի բջիջ ներծծված լինեն նրանով:

Սիրածդ մարդով քեզ անմահ ես զգում, անմահության զգացողությամբ էլ` շատ խաղաղ, քանզի շտապելու ու վախերի տեղ չկա: Սիրով եք անմահ:

Սեր ունեցողն աշխարհ ունի ու Աշխարհն ունի:

Սեր ունեցողը բաց ձեռքերով մի ամբողջ կյանք իր գրկում ունի: Էդքան բան: (Հատված Ն.Հ)

Հ.Գ.Երևանը ուժեղ գրկել է պետք, որ չտխրի....»։