Պուտինը հայտնել է, որ վերջին շրջանում լիարժեք չի քնել

Ռուսաստանի նախագահ Վլադիմիր Պուտինը Կարմիր հրապարակի սահադաշտում հոկեյի հանդիպման ընդմիջմանը հայտնել է, որ վերջին շրջանում իրեն չի հաջողվել լիարժեք քնել, փոխանցում է ՏԱՍՍ-ը:

Բիզնեսմեն Գենադի Տիմչենկոյի՝ մարզումներին ավելի շատ ժամանակ հատկացնելու կոչին, ՌԴ նախագահը պատասխանել է, որ վերջին շրջանում ինքը լիարժեք չի քնել: «Քիչ եմ քնել, 4-5 ժամ»,- ասել է Պուտինը:

Կարմիր հրապարակի սահադաշտում Հոկեյի գիշերային լիգայի հանդիպումը տեղի է ունեցել չորեքշաբթի երեկոյան եւ ավարտվել է 8:5 հաշվով՝ հօգուտ թիմի, որում հանդես էր գալիս ՌԴ նախագահ Վլադիմիր Պուտինը: Հաղթողների կողմից տափօղակով հարվածների կեսից ավելին կատարել է պետության ղեկավարը:

Հոկեյի գիշերային լիգան հիմնադրվել է 2011 թվականի դեկտեմբերի 15-ին՝ Պուտինի եւ ռուսական հոկեյի հռչակավոր վետերանների նախաձեռնությամբ: Լիգայի խնդիրն է երկրում մասայական հոկեյի զարգացումը, համառուսական սիրողական մրցումների կազմակերպումը, որոնք հասանելի են բնակչության լայն շերտերին: