Թրամփը Փելոսիին մեղադրել է Սենատում իմփիչմենթի անցկացման պայմաններ թելադրելու փորձի մեջ

ԱՄՆ նախագահ Դոնալդ Թրամփը նորից քննադատել է Կոնգրեսի Ներկայացուցիչների պալատի խոսնակ Նենսի Փելոսիին՝ նրան մեղադրելով հանրապետականներին Սենատում իմփիչմենթի ընթացակարգի անցկացման պայմաններ թելադրելու փորձի մեջ, տեղեկացնում է ՏԱՍՍ-ը։

«Խելագար Նենսին ցանկանում է Սենատում հանրապետական մեծամասնությանը իմփիչմենթի հետ կապված այդ ստի պայմաններ թելադրել,- նշել է Թրամփը կիրակի Թվիթերում։- Միեւնույն ժամանակ (նա) հրաժարվում է բոլոր սահմանված ընթացակարգերից՝ փաստաբաններից, վկաներ (կանչելուց)՝ դեմոկրատական մեծամասնություն ունեցող (Ներկայացուցիչների) պալատ»։

«Դեմոկրատները ցանկանում են, որպեսզի ամեն ինչ դրանով էլ ավարտվի։ Նրանց հետաքննությունը մեռած է, իսկ նրանց վարկանիշները ահավոր են»,- ասվում է գրառման մեջ։ Սպիտակ տան ղեկավարը կոնկրետ ոչ մի տվյալ չի ներկայացնում դեմոկրատների աջակցության մակարդակի մասին։ Բայց վերջին հարցումները ցույց են տալիս, որ, մասնավորապես, իմփիչմենթի հարցում ամերիկացիների կարծիքները գրեթե կես-կես են։ Օրինակ, ABC հեռուստաընկերության եւ The Washington Post թերթի դեկտեմբերի 17-ին անցկացված հետազոտության տվյալներով՝ հարցվածների 49 տոկոսը կարծում է, որ Կոնգրեսը պետք է Թրամփին իմփիչմենթի ենթարկի, իսկ 46 տոկոսը հակառակ կարծիքի է։

Շաբաթ օրը նախագահը դեմոկրատներին մատնացույց էր արել իր դեմ վերին պալատին մեղադրական եզրակացությունը հանձնելու ձգձգման մտադրության մասին։

Կոնգրեսի Ներկայացուցիչների պալատը չորեքշաբթի հաստատել էր մեղադրական եզրակացությունը նախագահի դեմ՝ բաղկացած երկու հոդվածից՝ իշխանության չարաշահում եւ խոչընդոտում Կոնգրեսին։ Մեղադրանքներն այժմ պետք է ներկայացվեն Սենատին, որտեղ իմփիչմենթի ընթացակարգը կվերածվի դատավարության։ Սենատորները այնտեղ կատարում են ատենակալների դեր, իսկ ԱՄՆ օրենսդիր մարմնի ստորին պալատը փաստորեն մեղադրող կողմն է։

Ավելի վաղ ենթադրվում էր, որ կոնգրեսականներն արդեն չորեքշաբթի կդիտարկեն օրենսդիրների ցուցակի մասին բանաձեւը, որոնք հանդես են գալիս որպես մեղադրողներ Սենատում։ Այդ փաստաթուղթը պետք է հավանություն տա մեղադրանքի հոդվածները վերին պալատին հանձնելուն։ Բայց, ստորին պալատի խոսնակի խոսքով՝ դեմոկրատները չեն կարողանում նշանակել մեղադրողներին եւ հանձնել հոդվածները, քանի դեռ չգիտեն, թե «ինչ է լինելու գործընթացը»։