Տանեչկան ուր, նորաձեւությունն ուր». Եվգենի Պետրոսյանի կնոջը քննադատել են

Տեղեկությունն այն մասին, որ ըստ ամենանայնի Եվգենի Պետրոսյանի կինը՝ Տատյանա Բրուխունովան, կդառնա «Модный приговор» հաղորդման համահաղորդավար, շատերին է վրդովվեցրել ու նույնիսկ զայրացրել։ Գնահատականներից զերծ չի մնացել նաեւ սկանդալային բլոգեր Լենա Միրոն…

«Բրուխունովան «Модный приговор» հաղորդման եթերում․ շատ ծիծաղելի է։ Տանեչկան ուր, ներողություն, նորաձեւությունն ուր։ Ո՛չ, ես, հասկանում եմ՝ որտեղից է սկիզբ առնում այդ երեւույթը։ «Սեքսը մեծ քաղաքում» հիմար սերիալի շնորհիվ հագուստի անճոռնի սիրահարներին սկսել են ոճային կին անվանել։ Սկզբում Արեւմուտքում, հետո՝ մեզ մոտ։ Սա սխալ է։ Անճոռնին պարզապես անճոռնի է, ոչ ավելի։ Եկեք վերջապես իրերը կոչենք իրենց անուններով»,- LiveJournal-ի իր էջում գրել է Լենան։

Ի դեպ, Բրուխունովան հայտնի է զգեստապահարանի թանկ իրերի եւ աքսեսուարների հանդեպ սիրով, ինչը նրան չի փրկել իսկապես նորաձեւ հանրության հարձակումներից։

Միրոն, իսկապես, անողոք է գտնվել եւ անդրադարձել Բրուխունովայի արտաքինին։ Բլոգերը նկատել է, որ Պետրոսյանի ընտրյալի դեմքն այնքան էլ «ոճային» չէ, եւ պարզությունը չի կարող թաքցնել նույնիսկ հմուտ դիմահարդարումը։