Դիեգո Սիմեոնե․ Չեմ կասկածում, որ Չեմպիոնների լիգայի այս մրցաշրջանում «Յուվենտուսը» կլինի ֆավորիտներից մեկը

Մադրիդի «Աթլետիկոյի» արգենտինացի գլխավոր մարզիչ Դիեգո Սիմեոնեն խոսել է Չեմպիոնների լիգայի խմբային մրցաշարի 5-րդ տուրում Իտալիայի չեմպիոն Թուրինի «Յուվենտուսի» հետ առաջիկա դիմակայության մասին։

«Մենք կենտրոնացած ենք «Յուվենտուսի» դեմ առաջիկա խաղի վրա, որից հետո կմտածենք վերջին տուրի մասին։

Մաուրիցիո Սարին դավանում է շատ որոշակի խաղաոճ եւ այն ներարկում է «Յուվենտուսին», որի կազմում այսօր հանդես եկող ֆուտբոլիստները լավ համապատասխանում են այդ խաղաոճին։

Չեմ կասկածում, որ Չեմպիոնների լիգայի այս մրցաշրջանում «Յուվենտուսը» կլինի ֆավորիտներից մեկը։ Բայց մենք լավ մարզավիճակում ենք եւ կարող ենք պայքարել «Յուվենտուսի» հետ»,- Սիմեոնեի խոսքը մեջբերում է AS-ը։

«Յուվենտուս» - «Աթլետիկո» հանդիպումը տեղի կունենա նոյեմբերի 26-ին եւ կմեկնարկի Երեւանի ժամանակով կեսգիշերին։