Գուֆի նախկին կինը պատմել է իր բիսեքսուալության մասին

Ռեփեր Այզա Անոխինան՝ ռեփեր Գուֆի նախկին կինը, խոսել է կանանց նկատմամբ հակման մասին եւ դատողություններ արել բիսեքսուալության արմատների մասին։ Հիփ-հոփ կատարողի հետ զրույցը հրապարակվել է YouTube-յան «Ходят Слухи» ալիքում։

«Կանայք ավելի հակված են բիսեքսուալության, քան տղամարդիկ։ Ես առհասարակ դեմ եմ այս սեքսուալությունը թաքցնելուն»,- նշել է Այզան։

Արտիստը հավելել է, որ դա տեղի է ունենում մանուկ հասակում որոշակի դաստիարակության հետեւանքով։ «Կանայք խեցիի մեջ փակվում են պարզապես այն պատճառով, որ մեզ ամբողջ կյանքի ընթացքում որոշակի կանոններ են թելադրել, պայմաններ։ Իսկ ի սկզբանե՝ հին ժամանակներում, նորմալ էր սիրահարվելը՝ տղամարդիկ՝ տղամարդկանց, կանայք՝ կանանց։ Եղել են ամազոնուհիներ, որոնց, ըստ էության, միավորում էր կանանց սերը կնոջ նկատմամբ»,- բացատրել է ռեփերը։

Այզան ընդգծել է, որ այսօր արդեն հոգնել է հարաբերություններից, այդ պատճառով պատրաստ չէ ռոմանտիկ կապի ոչ կանանց, ոչ տղամարդկանց հետ։

Նա հավելել է, որ եթե իր երեխաները գեյեր դառնան, դա «կսպանի իր ամբողջ ընտանիքին, բայց ոչ իրեն»։

Աղբյուրը՝ Lenta.ru