Թուրքիան դիտարկում է «Ինջիրլիք» բազայի կարգավիճակի փոփոխման հնարավորությունը՝ որպես ԱՄՆ-ի դեմ պատասխան պատժամիջոց

Թուրքիան դիտարկում է «Ինջիրլիք» բազայի կարգավիճակի փոփոխման հնարավորությունը՝ որպես ԱՄՆ-ի դեմ պատասխան պատժամիջոց։ Այս մասին Անկարայում մամուլի ասուլիսի ժամանակ հայտարարել է նախագահի պաշտոնական ներկայացուցիչ Իբրահիմ Կալինը, հայտնում է ՏԱՍՍ-ը։

«Ներկա պահին «Ինջիրլիք» բազայի կարգավիճակում փոփոխություն չի սպասվում»,- նշել է նա։

Ընդ որում, Ղալինը հայտնել է, որ Թուրքիայի ԱԳՆ-ը ԱՄՆ-ի դեմ պատասխան պատժամիջոցներ է պատրաստում։ Նա նաեւ հայտարարել է, թե Անկարան ամերիկյան պաշտոնյաներին հստակ հասկացրել է, որ Թուրքիան չի հայտարարի հյուսիսային Սիրիայում կրակի դադարեցման մասին եւ քուրդ զինյալների հետ բանակցություններ չի վարի, հայտնում է Reuters-ը։

Ավելի վաղ, չորեքշաբթի օրը, թուրքական կառավարությանը մոտ կանգնած Yeni Safak թերթը գրել էր, որ Անկարան, որպես ամերիկյան պատժամիջոցների պատասխան, կարող է սահմանափակել ԱՄՆ զինվորականների հասանելիությունը Ադանայում «Ինջիրլիք» ավիաբազային եւ Մալաթիայում ՆԱՏՕ-ին վաղ նախազգուշացման ռադարների «Քյուրեջիք» բազային։

ԱՄՆ փոխնախագահ Մայք Փենսը եւ պետքարտուղար Մայք Պոմպեոն ժամանել են Թուրքիա, որպեսզի Անկարային համոզեն դադարեցնել ներխուժումը։ Թրամփն այսօր հայտարարել է, որ եթե նրանք հաջողության չհասնեն, ապա պատժամիջոցները «կդատարկեն Թուրքիայի տնտեսությունը»։