Իրանը ժամանակավորապես կչեղարկի Իրաքի քաղաքացիների համար վիզաները

Իրանի իշխանությունները Իրաքի քաղաքացիների համար վիզաների ժամանակավոր չեղարկման մասին որոշում են ընդունել:

Որոշումը կգործի 2 ամսով, հաղորդում է ՏԱՍՍ-ը:

«Իրաքի բոլոր քաղաքացիները կարող են 2019-ի հոկտեմբերի 24-ից դեկտեմբերի 28-ն առանց վիզայի Իրան այցելել»,- ասվում է հայտարարության մեջ:

Հոկտեմբերի 7-ին իրանցի սահմանապահները վերսկսել են Իրաքի հետ սահմանին անցակետի աշխատանքը, որը փակվել էր երկրում բողոքի ակցիաների պատճառով:

Ավելի վաղ Իրաքում հայտնել էին, որ հակակառավարական ակցիաների հետեւանքով 104 մարդ է զոհվել, ավելի քան 6,1 հազար մարդ վիրավոր է: