Շուրջ մեկուկես ժամ սպասելուց հետո Քիմ Քարդաշյանը երկրպագուները քիչ առաջ կարողացան տեսնել նրան (Տեսանյութ և լուսանկար)

Շուրջ մեկուկես ժամ սպասելուց հետո Քիմ Քարդաշյանը երկրպագուները քիչ առաջ կարողացան տեսնել նրան։ Աստղը և նրա ավագ քույրը՝ Քորթնի Քարդաշյանը, դուրս եկան երևանյան հյուրանոցից, ողջունեցին երկրպագուներին ու լուսանկարվեցին։ Նստելով մեքենան՝ նրանք հեռացան։

Հիշեցնենք՝ Քիմ Քարդաշյանը Երևան է ժամանել երեկ ուշ երեկոյան։ Այսօր արդեն համաշխարհային ճանաչում ունեցող հայուհին հասցրել է երեխաներին մկրտել Էջմիածնում ու լուսանկարվել երկրպագուների հետ։ 

նշենք նաև, որ Քիմ Քարդաշյանը առաջին լուսանկարն է հրապարակել Երևանից:

Քիմը Հայաստանում է ավագ քրոջ՝ Քորթնի Քարդաշյանի ու որդիների հետ։ Նա Հայաստանում արդեն իսկ հասցրել է մկրտել երեխաներին ու առաջին լուսանկարը հրապարակել, որ արվել է երկրի մայրաքաղաքում։ Instagram-յան էջի Stories բաժնում Քիմը հյուրանոցից արված լուսանկար է հրապարակել, որում երեւում է նաեւ Հայաստանի դրոշը։ Ի դեպ, Քիմը ժամեր առաջ նաեւ տեսանյութեր է տեղադրել երեւանյան հյուրանոցից, որում պատկերված է՝ ինչպես է դիմահարդարվում։

Ի դեպ, Քիմ Քարդաշյանը Հայաստան է այցելել նաեւ 2015թ.-ի ապրիլին Հայոց Ցեղասպանության 100-րդ տարելիցի կապակցությամբ։ Քիմին ուղեկցում էին քույրը՝ Քլոե Քարդաշյանը, ամուսինը՝ ռեփեր Քանյե Ուեսթն ու նրանց դուստր՝ Նորթը: Քարդաշյաններն այցելեցին նաեւ Ծիծեռնակաբերդ՝ հարգանքի տուրք մատուցելու Հայոց Ցեղասպանության զոհերի հիշատակին: