«Նա, հավանաբար, ամենազգացմունքայինն է». Քրիս Ջենները՝ դստեր՝ Քիմ Քարդաշյանի բնավորության մասին

Քրիս Ջենները դուստրերի հետ նկարահանվել է նորաձեւության ամսագրի շապիկի համար. իրապատում շոուի աստղերը նորաձեւության մասին «CR Fashion Book» ամսագրի հերոսներն են դարձել։ Քարդաշյան կլանի բոլոր կին ներկայացուցիչներին հավաքելը բավական բարդ է եղել. քույրերը հաճախ են մեկնում եւ չեն կարողանում համաձայնեցնել աշխատանքային գրաֆիկը։ Վերջին անգամ նրանք միասին լուսանկարվել են 2015թ.-ին։

Ոճաբաններն աստղերի համար անկեղծ կերպարներ են ընտրել։ Նրանք հիմնականում ամբողջությամբ սու հագուստ են կրել՝ սեւ զուգագուլպաներ եւ բոդիներ։ Բացառություն էր կազմում 64-ամյա Քրիս Ջենները, որը ոտքի հատվածում համարձակ կտրվածքով զգեստ էր կրում։ Կոնտրաստային էին Քայլի Ջենների եւ Քլոե Քարդաշյանի սպիտակ կոստյումները։

Հրատարակությանը տված հարցացրույցում Քրիս Ջեններ պատմել է երեխաների դաստիարակության մասին։ Նա հատկապես առանձնացրել է Քանյե Ուեսթի կնոջ բարդ բնավորությունը։ «Հավանաբար Քիմն ամենազգացմունքայինն է։ Ժամանակ առ ժամանակ նա պարզապես նման է փոթորկի։ Սակայն ամենաբարդ պահերին նա կարողանում է հանգստությունը պահպանել։ Եվ այդ ժամանակ արդեն նա դառնում է այն մարդը, ում մոտ վազում են բոլորը՝ խորհուրդ ստանալու համար։ Նրա այդ ամբիվալենտությունը գրավում է ինձ։ Ես շատ բան եմ սովորել նրանից»,- Ջենների խոսքերը մեջբերել է Daily Mail-ը։

Քրիսն իր մայրական բնազը համեմատել է արջերի վարքագծի հետ։ «Գիտեք՝ մայր արջը պատրաստ է ամեն ինչի հանուն իր արջուկների, ես՝ եւս։ Ինձ համար նույնիսկ միեւնույնն է, որ նրանք արդեն մեծ են եւ ապրում են իրենց կյանքում։ Նրանց բարեկեցությունն ինձ համար առաջին տեղում է, եւ ես պատրաստ եմ կրծոտել ասֆալտը հանուն նրանց անձնական երջանկության։ Անկեղծ ասած՝ ինձ նույնիսկ դուր է գալիս պետքական զգալ»,- ասել է նա։