Նենսի Փելոսին հայտարարել Է Թրամփի պաշտոնազրկման ընթացակարգ սկսելու մասին

ԱՄՆ-ի Ներկայացուցիչների պալատի խոսնակ Նենսի Փելոսին սեպտեմբերի 25-ին հայտարարել Է ընթացակարգ սկսելու որոշման մասին, որի նպատակն Է որոշել, թե կան արդյոք հիմքեր երկրի նախագահ Դոնալդ Թրամփին պաշտոնազրկում հայտարարելու համար:

«Այսօր ես հայտարարում եմ, որ Ներկայացուցիչների պալատն սկսում Է պաշտոնազրկման հարցի պաշտոնական հետաքննությունը»,- ասել Է Փելոսին, որի ելույթը հեռարձակել Է ԱՄՆ-ի հեռուստատեսությունը:

«Նախագահը պետք Է պատասխան տա իր գործողությունների համար: Ոչ ոք վեր չի կանգնած օրենքից»,- հավելել Է նա:

Ավելի վաղ Թրամփը հայտարարել Է, որ դեմոկրատների այդ քայլը, որոնք մեծամասնություն են կազմում Ներկայացուցիչների պալատում, վտանգ չի ներկայացնում իր համար եւ միայն կօգնի 2020 թվականին հասնելու երկրորդ ժամկետով վերընտրման: Սեպտեմբերի 25-ին նա նաեւ նշել Է, որ դեմոկրատները հատուկ հենց այդ օրն են ընտրել հայտարարելու իրենց որոշման մասին՝ ձգտելով շեղել ուշադրությունն իր հաջողություններից ՄԱԿ-ի Գլխավոր ասամբլեայում:

Միացյալ Նահանգների մի շարք զանգվածային լրատվամիջոցներ ավելի վաղ հայտնել են, որ Թրամփը հուլիսի 25-ին կայացած հեռախոսազրույցում փորձել Է Ուկրաինիայի նախագահ Վլադիմիր Զելենսկուն համոզել հետաքննություն սկսելու Հանթեր Բայդենի՝ Ջո Բայդենի որդու նկատմամբ: Մի շարք զանգվածային լրատվամիջոցներ հայտնել են, թե Թրամփը, փորձելով հետաքննություն նախաձեռնել Բայդենի որդու դեմ, ձգձգել Է ռազմական օգնության տրամադրումն Ուկրաինային, հաղորդել Է «Ինտերֆաքսը»: