Պարզվել է, թե ինչ հանգամանքներում է երեխան 6-րդ հարկից ընկել

Պարզվել է, թե ինչ հանգամանքներում է երեխան 6-րդ հարկից հայտնվել գետնին։ 2-ամյա փոքրիկը հենվել է մոծակներից պաշտպանող ցանցին։

Ցանցը չդիմանալով ծանրությանը՝ պատռվել է, ինչի արդյունքում երեխան վայր է ընկել։

Հիշեցնենք, ավելի վաղ Operativ լրատվականը տեղեկացրել էր, որ երեկ ժամը 10:32-ին, Երևանի Թումանյան 32 հասցեում գտնվող շենքի բակում նկատել են 2.5 տարեկան տղա երեխայի, ով ընկել է նույն շենքի 6-րդ հարկից:

Երեխան անգիտակից վիճակով տեղափոխվել է «Սուրբ Աստվածամայր» ԲԿ-ի վերակենդանացման բաժանմունք:

Տղայի մոտ առկա է զուգակցված վնասվածքներ, գանգի ոսկրերի ցիրկուլյար կոտրվածք, գլխուղեղի սալջարդ, ողերի կոտրվածքներ, կոնքի ոսկրերի կոտրվածքներ:

Շտապօգնության բժիշկը պնդում էր՝ «911»-ից ոչ ոք չի եղել այն շենքի բակում, որտեղ 2.5 տարեկան երեխան ընկել էր 6–րդ հարկից :

Operativ լրատվականը հաղորդել էր նաև, որ 6-րդ հարկից ընկած փոքրիկի ընտանիքը դեպքից 2 օր առաջ էր վարձել բնակարանը. ընտանիքն օգնության կարիք ունի:

Բալիկի վիճակը շարունակում է մնալ ծայրահեղ ծանր։