Սոցցանցերը վրդովվել են Թրամփի՝ Մելանյայի հանդեպ վերաբերմունքից

Սոցցանցերում կարճ տեսանյութ է հայտնվել, որը նկարահանվել է օգոստոսի սկզբին Դոնալդ և Մելանյա Թրամփների Դեյթոն քաղաք այցի ընթացքում, որտեղ նրանք եղել էին հիվանդանոցում՝ Էլ Պասո քաղաքում տեղի ունեցած ահաբեկչությունից տուժածներին աջակցելու նպատակով:

Տեսանյութը վրդովմունքի փոթորիկ է առաջացրել: Բազմաթիվ օգտատերերի դուր չի եկել, թե ինչպես է ԱՄՆ նախագահը վարվում իր կնոջ հետ: Տեսանյութում, մեքենայի կողքին կանգնած Թրամփը ձեռքի ափով թփթփացնում է ոտքին, որից հետո նրան է մոտենում կինը:

«Կարծես շանն է կանչում», «Աղջիկ, ինչո՞ւ ես թույլ տալիս, որ քեզ շան նման կանչեն, ինչու ես պատասխանում նրան», «Նա կոպիտ, գռեհիկ միզոգինիստ է, բայց միևնույնն է, այս տեսանյութը ցնցող է»,- գրել են նրանք մեկնաբանություններում:

Մյուսները, սակայն, գտել են, որ Թրամփը պարզապես ստուգում է իր գրպանի պարունակությունը. չի մոռացել արդյոք հեռախոսը կամ բանալիները:

Trump called over Melania like she is a dog