Դանիան ուժեղացնում է Գրենլանդիայի պաշտպանությունը

Դանիայի վարչապետ Մեթե Ֆրեդերիկսենը հեռախոսազրույց է ունեցել ԱՄՆ նախագահ Դոնալդ Թրամփի հետ, որը չեղարկել էր այցը երկիր այս շաբաթվա սկզբին, քանի որ Դանիան հրաժարվել էր վաճառել Գրենլանդիան, հաղորդում է AP-ն:

Վարչապետի գրասենյակը հայտարարել է, որ առաջնորդները խոսել են հինգշաբթի, ուշ ժամի, իսկ դանիական լրատվամիջոցները հաղորդել են, որ զանգը եղել է «կառուցողական»:

Վարչապետի գրասենյակից նաև հայտարարել են, որ քննարկման մանրամասները չեն հրապարակվելու:

Միևնույն ժամանակ, Դանիան և Գրենլանդիան պայմանավորվել են ամրապնդել անվտանգության և պաշտպանական համագործակցությունը՝ հաշվի առնելով արկտիկական տարածաշրջանի աճող ռազմավարական դերը, քանի որ սառույցի հալչելը նոր առևտրային ուղիներ է բացում և բարելավում է կղզու բնական պաշարների հասանելությունը:

Հիշեցնենք, ավելի վաղ Operativ լրատվականը հաղորդել էր, որ ԱՄՆ առաջնորդ Դոնալդ Թրամփը դիտարկում է Գրենլանդիա կղզին գնելու գաղափարը, որը Դանիային է պատկանում :

Ավելին, Թրամփը խոստացել էր Գրենլանդիան գնելու դեպքում այնտեղ երկնաքերներ չկառուցել:

Դանիայի վարչապետը Գրենլանդիան գնելու մասին Թրամփի գաղափարն անհեթեթ էր անվանել : Սակայն Դանիայի թագավորական ընտանիքը չէր բացառել Գրենլանդիայի վաճառքը