1915–ին էլ Թալեաթի հետ համագործակցող հայեր կային, հիմա էլ կան. Փայլանը՝ Մարգար Եսայանին

Թուրքիայի խորհրդարանի հայ պատգամավոր Կարո Փայլանը Twitter–ով պատասխանել է իշխող կուսակցության հայ պատգամավոր Մարգար Եսայանի հոդվածին, որտեղ նա պնդել էր, թե Կարո Փայլանը Հարավային Ամերիկա շրջագայության ժամանակ պահանջել է դրսից միջամտեն Թուրքիայի ներքին գործերին։

Կարո Փայլանը գրել է. «Եթե դու չապացուցես քո պնդումը, դու սուտասան ես։ 1915–ի ապրիլի 24–ին էլ հայերի ցանկը գրելու հարցում Թալեաթի հետ համագործակցող հայեր կային։ Հիմա էլ կան»։