Էլինար Վարդանյանը ակնկալիքներ չունի՞

Operativ.am-ի հետ զրույցում ԲՀԿ խմբակցության Աժ պատգամավոր Էլինար Վարդանյանը պատմում է, թե ինչպես է դիմավորելու Ամանորը և թե ինչու ցանկություն չկար արտերկիր մեկնելու:

Ինչպե՞ս եք դիմավորելու գալիք Ամանորը:

-Գալիք Ամանորը դիմավորելու եմ տանը ընտանիքիս հետ և փորձելու եմ երեխաներիս համար Ամանորն իսկապես հեքիաթ դարձնել:

Ցանկություն չկա՞ր արտերկիր մեկնելու

-Չկար, որովհետև  Ամանորն ինձ համար ընտանեկան տոն է, որը պետք է նշել ընտանիքի և հարազատների հետ, իսկ ամանորյա գիշերն անպայման պետք է դիմավորել տանը:

Կա՞ մի ուտեստ, որը միշտ պետք է լինի Ձեր ընտանեկան սեղանին:

-Այո, դա բլիննին է, որը միշտ առկա է մեր տոնական սեղանին: 

Հավատու՞մ եք Ձմեռ պապիկի գոյությանը:

-Հիմա պիտի երեխաներս դեռ երկար ժամանակ հավատան:

Ի՞նչ ակնկալիքներ ունեք Ձմեռ պապիկից:

-Կուզենայի, որ իրականում Ձմեռ պապիկը կարողանար իրականացնել բոլորի երազանքները: Անձամբ ինձ համար որևէ ակնկալիք չունեմ, փոխարենն ուզում եմ, որ Ձմեռ պապիկը կատարի իմ երեխաների ցանկությունները:

Հեղինակ՝ Սեդա Ղուկասյան