Աշխարհի չեմպիոն Նազիկ Ավդալյանը հրաշքների է սպասում

Operativ.am-ի հետ զրույցում ծանրամարտիկ, Աշխարհի չեմպիոն Նազիկ Ավդալյանը պատմեց, թե ինչպես է պատրաստվում դիմավորել գալիք Ամանորը:

Ինչպե՞ս եք անցկացնելու գալիք Ամանորը:
- Ինչպես իմ բոլոիր Ամանորները այս տարի ևս նշելու եմ ընտանիքիս և ինձ սիրելի մարդկանց  հետ:

Ձեր ամենասիրելի ամանորյա ուտեստը:
- Խոզի բուդն եմ շատ սիրում, որն առհասարակ իմ սիրելի ուտեստն է և ոչ թե միայն ամանորյա օրերին:

Հավատու՞մ եք Ձմեռ պապիկի գոյությանը:
- Իհարկե, պետք է հավատալ հրաշքների:

Ի՞նչ երազանք ունեք գալիք ատրվա հետ կապված:

- Երազանք ունեմ, բայց չեմ ուզում բարձրաձայնել, ամանորյա գիշերը, երբ հնչեն 2013-ի ղողանջները, ես անպայման Ձմեռ պապիկին կհղեմ իմ երազանքը:

Ձեր մարզական ընկերներից ո՞վ է Ձեզ առաջինը շնորհավորում Ձեզ:
- Սովորաբար մենք հավաքվում էինք միասին և այցելում իրար տներ:

Ամանորի հետ կապված հետաքրքիր դեպք կհիշե՞ք:
- Հինգ տարի առաջ, երբ դեռ նոր էինք հանդիպում Էրիկի՝ ամուսնուս հետ, միասին դիմավորեցինք Ամանորը, գնացինք հրապարակ, ուր ամանորյա տոնական տրամադրություն էր իշխում, ես էլ սիրելիիս կողքին էի. դա իմ հիշարժան Ամանորներից մեկն էր:

Հեղինակ՝ Սեդա Ղուկասյան