ԱՄՆ-ում գործազրկության հայտերը հասել են մինչև 220 հազարի

ԱՄՆ-ում մեկ շաբաթում, որն ավարտվել է օգոստոսի 10-ին, գործազրկության նպաստ ստանալու առաջնային հայտերի թիվը նախորդ աբաթվա վերանայված ցուցանիշի համեմատ մեծացել է 9 հազարով՝ կազմելով 220 հազար, հայտնել է երկրի աշխատանքի նախարարությունը: Reuters գործակալության հարցմանն ի պատասխան տնտեսագետները նշել են, որ ցուցանիշի աճն ակնկալում էին մինչև 214 հազար, փոխանցում է Vesti-ն:

Ընդ որում՝ անցյալ շաբաթվա ցուցանիշը վերանայվել է աճման ուղղությամբ՝ 209 հազար հայտից մինչև 211 հազար:

Անցած 4 շաբաթում առաջնային հայտերի միջին թիվը 1 հազարով մեծացել է անցյալ շաբաթվա մինչև 213,75 հազար վերանայված մակարդակից: Անցյալ շաբաթվա մակարդակը վերանայվել է աննշան աճման ուղղությամբ՝ 212,25 հազարից մինչև 212,75 հազար:

ԱՄՆ-ում օգոստոսի 3-ին ավարտված մեկ շաբաթում գործազրկության նպաստ ստացողների թիվը մեծացել է 39 հազարով՝ անցած շաբաթվա մինչև 1,726 մլն մարդ վերանայված ցուցանիշի մակարդակի համեմատ: Ցուցանիշը վերանայվել է աճման ուղղությամբ՝ 1,684 մլն-ից մինչև 1,687 մլն մարդ:

ԱՄՆ աշխատանքի նախարարությունը գործազրկության նպաստի առաջնային հայտերի (Initial Jobless Claims) թվի մասին տվյալները հրապարակում է ամեն շաբաթ: Ցուցանիշը ներկայացնում է մարդկանց թիվը, որոնք հաշվետու շաբաթում առաջին անգամ են դիմել նպաստ ստանալու համար: