Մեծ Բրիտանիայի վարչապետ Բորիս Ջոնսոնը կշատացնի բանտերի թիվը 10 000 նոր ազատազրկվածների համար

Մեծ Բրիտանիայի վարչապետ Բորիս Ջոնսոնը խոստացել է ավելացնել բանտային տարածքների թիվը 10 000 տեղով, ինչպես նաեւ ընդլայնել հանցավոր աշխարհի դեմ պայքարող իրավապահ մարմինների լիազորությունները, հաղորդում է BBC News-ը։

Mail պարբերականին տված իր հարցազրույցում Ջոնսոնը հայտարարել է, որ նոր բանտային տարածքներն ի հայտ կգան ինչպես նոր բանտեր կառուցելու, այնպես էլ արդեն գոյություն ունեցողները մեծացնելու շնորհիվ։ Այդ նախագիծն իրականացնելու համար կառավարությունը մտադիր է ծախսել 2.5 մլրդ ֆունտ ստերլինգ։

Ֆինանսների նախարարությունն արդեն հաստատել է ֆինանսավորումը։

Բորիս Ջոնսոնը մտադիր է նաեւ խստացնել այնպիսի ծանր հանցագործությունների համար պատիժը, ինչպիսիք են, մասնավորապես, սեռական բնույթի եւ առանձնակի դաժանությամբ կատարված հանցանքները։

Նշվում է, որ անցած ամիս կառավարությունը պարտավորվել է աշխատանքի ընդունել ոստիկանության 20 000 սպաների՝ այդկերպ, փաստորեն, լրացնելով ոստիկանության շարքերում կորուստները, երբ կառավարության պարագլուխ էին եկել պահպանողականները։