Գուրգեն Դաբաղյանի ու կնոջ ռոմանտիկ լուսանկարները հանգստից

Հայտնի երգիչ Գուրգեն Դաբաղյանն ամուսնությունից հետո հանգստի է մեկնել կնոջ հետ։ Նա Instagram-յան էջում մի քանի տեսանյութ ու լուսանկարներ է հրապարակել, որոնք արվել են Բալիում։

Instagram-յան էջի Stories բաժնում (այստեղ ցանկացած տեղեկատվություն հասանելի է միայն 24 ժամ, ինչից հետո անհետանում է) հրապարակված լուսանկարներում գեղեցիկ զույգը մեղմ գրկախառնված է։ Կադրերն արվել են գեղեցիկ բնապատկերի ֆոնին։

Հիշեցնենք՝ կյանքում կարեւոր իրադարձության մասին երգիչը հայտնել էր Facebook-յան գրառմամբ։ «Հիմա ժամանակն է ձեզ ներկայացնել այն մեծ փոփոխությունը, որը տեղի է ունեցել իմ կյանքում: Ես գտել եմ նրան, սիրում եմ անսահման, եւ իմ կյանքի մնացած տարիները մենք կապրենք միասին»,- գրել էր նա։ «Սիրում եմ քեզ, իմ Իննա»,- նշել էր երգիչը՝ օգտագործելով նաեւ «հարսանիք» հեշթեգը։

Զույգը հավատարմության երդում է տվել Երեւանի Սուրբ Սարգիս եկեղեցում, ապա տոնը շարունակել երեւանյան ռեստորաններից մեկում։ Երգչի ընտրյալը հարսի պարը կատարել է նրա երգի ներքո։