Հայտնի է Կիևյան կամրջից իրեն ցած նետած անձի ինքնությունը. դա 25-30 տարեկան կին է. Նոր մանրամասներ (Լուսանկարներ)

Քիչ առաջ Operativ լրատվականը հաղորդեց, որ արտակարգ դեպք է տեղի ունեցել Երևանում։

Ժամը 09։50-ի սահմաններում Արտակարգ իրավիճակների նախարարության Փրկարար ծառայության 9-11 և Ոստիկանության Երևան քաղաքի վարչության օպերատիվ կառավարման կենտրոններ ահազանգ է ստացվել, որ Կիևյան կամրջից մի քաղաքացի է իրեն ցած նետել։

Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանած Երևանի 1-03 շտապ օգնության բժիշկները, Ոստիկանության Մաշտոցի բաժնի ՊՊԾ գնդի 3-րդ վաշտի ծառայողները և փրկարարները կարողացել են վիրավորին, ով կլինի 25-30 տարեկան կին, տեղափոխել «Արմենիա» բժշկական կենտրոն, հաղորդում է Shamshyan.com կայքը:

Դեպքի վայր են ժամանել Ոստիկանության Մաշտոցի բաժնի օպերատիվ խումբը՝ հետաքննչական բաժանմունքի հետաքննիչի գլխավորությամբ, ում կողմից փաստի առթիվ նյութեր են նախապատրաստվում։

Ոստիկանությունը պարզում է վիրավորի ինքնությունը։

Լուսանկարները՝ Կարեն Գրիգորյանի