300 տարվա ընթացքում առաջին անգամ Հայաստանի պետական ֆիլհարմոնիան մտադիր է բեմադրել «Տիգրան Մեծ» օպերան

Հայաստանի պետական ֆիլհարմոնիան մտադիր է բեմադրել գերմանացի կոմպոզիտոր Ադոլֆ Հասսեի բարոկկոյի եւ կլասիցիզմի դարաշրջանի «Տիգրան Մեծ» օպերան: Այս մասին օգոստոսի 1-ին լրագրողների հետ հանդիպմանը հայտարարեց Պետական ֆիլհարմոնիայի տնօրեն Գագիկ Մանասյանը:

Նա հավելեց, որ աշխարհում Տիգրան II-ին նվիրված մոտ 40 օպերա կա և դրանցից միայն 24-ում է ցուցադրված հայոց արքայի կերպարը:

«Տիգրան Երկրորդի կերպարին անդրադարձել են այնպիսի մեծ կոմպոզիտորներ ինչպիսիք են Շարլ Գունոն, Գեորգ Ֆրիդրիխ Հենդելը, Վիվալդին, Ադոլֆ Հասսեն եւ այլք: Ընտրությունը կանգ է առել մհենց Հասսեի աշխատանքի վրա, քանի որ այն ավելի լիարժեք հասանելի է: Մյուսների դեպքում կան որոշակի խնդիրներ», - նշեց նա:

Մանասյանը շեշտեց, որ օպերան անպայման բեմադրվելու է, չնայած նրան, որ ներկայումս ֆինանսավորում չկա: «Այդ հարցը հիմա ամենակարևորը չէ: Պետք է որոշակի նախապատրաստական աշխատանք կատարել, եւ հետո միայն մտածել փողի մասին: Վստահ եմ, որ մեր ժողովուրդը անտարբեր չի լինի այս թեմային: Ներկայացումը տեղի կունենա հեթանոսական Գառնի տաճարում, քանի որ թեման առնչվում է պատմության այդ ժամանակաշրջանին:

Բացի այդ պատրաստվում ենք նաեւ ֆիլմ նկարահել, որը կցուցադրվի հեռուստատեսությամբ», - ասաց Պետական ֆիլհարմոնիայի տնօրենը:

Նա նշեց, որ պատճառը, որ օպերան մինչ օրս չի բեմադրվել Հհայաստանում, կապվաած է համապատասխան կատարողների եւ բարոկկո ոճով բեմադրության տեխնիկական հնարավորությունների բացակայության հետ:

«Երգիչների ընտրության վերջնական հարցը կլուծվի դիրիժորի եւ ռեժիսորի ներկայությամբ լրացուցիչ լսումներից հետո: Հետագա ծրագրերում է ստեղծել երաժշտական խումբ, որը հանդես կգա բարոկկո ոճով եւ այս օպերայի բեմադրումը հիանալի հարթակ կդառնա այդ գործընթացի մեկնարկի համար:

Այդ նպատակով մենք համագործակցում ենք իտալական ընկերության հետ, ինչպես նաեւ Մոսկվայի պետական ակադեմիական Սացի անվան Մանկակական երաժշտական թատրոնի հետ », - ասաց Գագիկ Մանասյանը:

Նա դժգոհեց, որ մեկուկես տարի առաջ իրանք դիմել են Սպենդիարյանի անվան Օպերայի և բալետի ակադեմիական թատրոն բեմադրման կազմակերպման համար, սակայն այնտեղ ասել են, որ «ժամանակ չկա»:

Նշենք, որ Տիգրան 2-րդի թագավորության շրջանը (մ.թ.ա. 95-55 թթ.) հայոց պատմության մեջ համարվում է արտաքին էքսպանիայի ինտենսիվ ժամանակշրջան: Երկրի սահմանները ձգվում էին Կովկասի լեռներից մինչև Եգիպտոս, Փոքր Ասիայից մինչև Պարթեւստան, Միջերկրական ծովից մինչև Կասպից ծով: