Վին Դիզելի դուբլյորը նոր «Ֆորսաժ»-ի նկարահանումների ընթացքում ընկել է ինը մետր բարձրությունից եւ կոմայի մեջ է
Կասկադյոր Ջո Ուոթսը, որը հանդես է գալիս որպես դերասան Վին Դիզելի դուբյլոր, վնասվածք է ստացել «Ֆորսաժ 9» ֆիլմի նկարահանման ընթացքում, գրում է The Sun-ը։
Նա ցատկ է կատարել պատշգամբից, երբ անպասելիորեն կտրվել է անվտանգության ճոպանը։ Ուոթսը գետնին է ընկել ինը մետր բարձրությունից եւ գլխի լուրջ վնասվածք ստացել։ Նրան ինքնաթիռով միանգամից լոնդոնյան թագավորական հիվանդանոց են տեղափոխել։
Այժմ Ուոթսն արհեստական կոմայի վիճակում է։ Նրա հարսացուն՝ Թիլի Պաուելը, սոցիալական ցանցում հայտնել է, որ բժիշկները Ջոի վիճակը գնահատում են որպես կայուն։ Ըստ ականատեսների՝ Վին Դիզելը միջադեպի ականատես է եղել։ «Նա շոկի մեջ էր, իսկ աչքերում արցունքներ կային»,- պատմել է ինսայդերը։
Ավելի վաղ Դիզելն արդեն իսկ բախվել է նկարահանումների ընթացքում ողբերգության հետ։ 2002թ.-ին նրա դուբյլոր Հարի Օ'Քոնորը մահացել էր բարդ հնարքի կատարման ընթացքում «Երեք իքս» ֆիլմի համար։