на Русском
Սպիտակի ոլորաններում ձյան տեղումներ են
Վեհափառը նորաօծ քահանաներին հորդորել է հայորդ... 
ԱՄՆ-ը ցանկանում է նոր ռազմական համաձայնագիր կնքել Շրի Լանկայի հետ
Միացյալ Նահանգները ցանկանում են համաձայնագիր կնքել Շրի Լանկայի հետ հատուկ նշանակության զորքերի միջեւ համագործակցության մասին բյուրոկրատիայից խուսափելու համար եւ մտադիր չէ երկրի տարածքում տեղակայել իր ռազմաբազան, հայտարարել է Շրի Լանկայում ԱՄՆ-ի դեսպան Էլեյնա Թեփլիցը, հաղորդում է Reuters-ը:
Այդ հայտարարությունը դեսպանն արել էր՝ նպատակ ունենալով ցրել երկու երկրների զինված ուժերի կարգավիճակի մասին համաձայնագրի (համաձայնագիրը հայտնի է նաեւ Արտագնա ուժերի մասին համաձայնագիր անունով) շուրջ ստեղծված անհանգստությունը:
Նշվում է, որ ԱՄՆ-ի եւ Շրի Լանկայի հետ այդ համաձայնագիրը կնքելու հեռանկարը քննադատել են տեղական ԶԼՄ-ներն ու մի խումբ քաղաքական գործիչներ, որոնք համարում են, որ համաձայնագիրը կվտանգի Շրի Լանկայի ինքնիշխանությունը:
«Արտագնա ուժերի մասին համաձայնագիրը գոյություն ունեցող համաձայնագրի թարմացված տարբերակն է եւ մշակված է մի շարք բյուրոկրատական խնդիրներ լուծելու նպատակով»,-նշել է ԱՄՆ-ի դեսպանը:
Որպես օրինակ՝ Թեփլիցը հիշեցրել է 2017 թվականի ջրհեղեղը, երբ Շրի Լանկան դիմել էր ԱՄՆ-ին օգնության համար, սակայն հումանիտար օգնություն մատակարարող ինքնաթիռները նախ պետք է ստանային կառավարության հաստատումը:
Այդ համաձայնագիրը կարող էր օգնել ԱՄՆ-ին պարզեցնել այդ ընթացակարգերը արտակարգ պատահարների դեպքում:
Շրի Լանկան տեղակայված է Հնդկական օվկիանոսի ամենաբանուկ ծովային ուղիներից մեկի տարածքում, եւ վերջին տարիներին կղզում նավահանգիստների եւ ավտոճանապարհների շինարարության ոլորտում հիմնական ներդրողն էր Չինաստանը:
