Հայաստանը համաշխարհային ասպարեզում ձևավորում է նոր պատկեր, որի հետ պետք է հաշվի նստել. Ուկրաինացի փորձագետ
Ուկրաինացի քաղաքագետ Օլեգ Սահակյանի կարծիքով. «Հայաստանը կրկին բաց է աշխարհին, որպես աշխարհաքաղաքական առանձին միավոր»: Վերջին ժամանակներս Հայաստանը սկսել է ակտիվորեն դրսեւորել իրեն համաշխարհային քաղաքականության քարտեզի վրա: AnalitikaUA.net-ին տված իր հարցազրույցում նա ընդգծեց, որ Հայաստանը միջազգային ասպարեզում գտել է իր սեփական կարգավիճակը կապիտալի վերածող նոր կետ:
Վերլուծելով հանրապետության վերջին արտաքին քաղաքական քայլերը, մասնավորապես՝ Կիպրոսի եւ Հունաստանի հետ տարածաշրջանային դաշինքը, Օլեգ Սահակյանը նշեց, որ երկիրը հանդես է գալիս իր հավակնություններով: «Թույլ Հայաստան», «սատելիտ երկիր» բառապատճենումները այլեւս Հայաստանի համար չեն, պետությունը դուրս է գալիս հետխորհրդային ընկալումից, համաշխարհային ասպարեզում ձեւավորելով նոր պատկեր, որի հետ պետք է հաշվի նստել»:
Քաղաքագետը կարծում է, որ ժամանակակից աշխարհաքաղաքական մթնոլորտը նպաստում է նման ակտիվությանը, նշելով ամերիկյան կոնգրեսի վերջին երկու որոշումները՝ Լեռնային Ղարաբաղի եւ Ադրբեջանի զինված ուժերի շփման գծում հրադադարի ռեժիմի խախտումներ հայտնաբերող համակարգերի ներդրում եւ Բաքվին զենք վաճառելու արգելք: «Աշխարհը մտել է կտրուկ տատանումների փուլ, շատ գործընթացներ վերափոխվում են: Եթե մտնել տարբեր խաղացողների շահերի համատեքստ՝ այդ կտրուկ տատանումներից կարելի դուրս գալ նվազագույն կորուստով, կամ, նույնիսկ՝ ձեռքբերումներով»:
Պատասխանելով Ուկրաինայի հայերի ընտրական նախասիրությունների վերաբերյալ հարցին, փորձագետը նշել է, որ համայնքը հանդիսանում է ուկրաինական ժողովրդի քաղաքական հատվածի անբաժանելի մի մասը:
«Հայերը ներգրավված են հասարակական կյանքի բոլոր ոլորտներում, եւ նրանց ընտրությունը համընկնում է Ուկրաինայի բնակչության ընտրության հետ»:
Քաղաքագետը նշեց, որ քվեարկության միտումները ցույց են տալիս, որ հայերը հաճախ նախընտրում են այն ուժերին, որոնք արտաքին քաղաքական ուղեցույցներում բարձրացնում են Հայաստանի խնդիրները եւ միջպետական հարաբերությունների կառուցման հարցերը:
Փորձագետը հավելեց, որ «համայնքը ներկայացված է գրեթե բոլոր քաղաքական ուժերում, այս կամ մեկ այլ ակտիվ դերակատարումով: Հայերի ընտրությունը համընկնում է ամբողջ Ուկրաինայի ընտրությանը»: