Ռուսաստանը պատրաստ է Սու-35 կործանիչներ մատակարարել Թուրքիային

Ռուսաստանը պատրաստ է Սու-35 բազմաթիրախային կործանիչներ մատակարարել Թուրքիային, եթե վերջինս նման ցանկություն հայտնի: Այս մասին լրագրողների հետ զրույցում ասել է «Ռոստեխ» պետական կորպորացիայի ղեկավար Սերգեյ Չեմեզովը, հաղորդում է «ՌԻԱ Նովոստի»-ն:

«Եթե մեր թուրք գործընկերները նման ցանկություն հայտնեն, ապա մենք պատրաստ ենք մատակարարել Սու-35-ները»,- ասել է նա:

Ավելի վաղ ԱՄՆ նախագահ Դոնալդ Թրամփը՝ մեկնաբանելով Թուրքիայի կողմից ռուսական Ս-400 զենիթահրթիռային համակարգեր գնելու որոշումը, հայտարարել էր, որ Անկարան այլեւս չի կարողանալ գնել 5-րդ սերնդի F-35 կործանիչները:

Հիշեցնենք, որ երեկ ԱՄՆ-ը Թուրքիային պաշտոնապես բացառեց F-35 կործանիչների ծրագրից: