Էդմոն Մարուքյանը յուրօրինակ նվեր չի՞ ստացել

Operativ.am-ի հետ զրույցում պատգամավոր Էդմոն Մարուքյանը պատմում է, թե ինչ խորհուրդ ունի Ամանորն իր համար:

Ինչպե՞ս եք պատրաստվում դիմավորել գալիք տարին, որտե՞ղ և ու՞մ հետ

-Ամանորը ավանդույթի ուժով և ինչպես միշտ դիմավորելու եմ ծնողներիս տանը՝ Վանաձորում, իմ ընտանիքի հետ:

Ցանկություն չկա՞ր արտերկիր մեկնելու:

-Ամանորը իմ համար ընտանեկան տոն է, հետևաբար չէի ցանկանա խախտել ավանդույթը այն նշելով արտերկրում:

Ձեր ամենասիրելի ամանորյա ուտեստը:

-Սիրում եմ խաղողի թփով դոլմա և մայրաքաղաքային աղցան:

Հավատու՞մ եք Ձմեռ պապիկի գոյությանը:

-Ձմեռ պապիկի գաղափարին եմ հավատում, գոյությանը՝ ոչ:

Ի՞նչ ակնկալիքներ ունեք գալիք տարվա հետ կապված:

-Ակնկալիքներ շատ ունեմ. բոլորն էլ միտված են երկրի զարգացմանը:

Ամենայուրօրինակ նվերը, որ երբևէ ստացել եք Ամանորին:

-ճիշտն ասած չեմ հիշում, որ ինչ որ յուրօրինակ նվեր ստացած լինեմ:

Հեղինակ՝ Սեդա Ղուկասյան