на Русском
Սպիտակի ոլորաններում ձյան տեղումներ են
Վեհափառը նորաօծ քահանաներին հորդորել է հայորդ... 
Թրամփը հրաժարվել է ուրանի արտադրության քվոտաներ սահմանել
ԱՄՆ նախագահ Դոնալդ Թրամփը հրաժարվել է երկրում ուրանի արտադրության քվետաներ սահմանել, սակայն դրա փոխարեն դաշնային գործակալությունների խմբին հանձնարարել է անցկացնել 90-օրյա դիտարկում, հայտնում է Reuters-ը:
Գործակալությունը նշում է, որ Թրամփը գրավոր հուշագրում հայտարարել է, որ համաձայն չէ ԱՄՆ առեւտրի նախարարության քննության հետ, որի եզրակացությամբ՝ ուրանի ներմուծումը կարող է հանգեցնել Միացյալ Նահանգների ազգային անվտանգության թուլացմանը:
ԱՄՆ նախագահը նշել է, թե քանի որ եզրակացությունները «բերել են զգալի մտահոգության», ինքը հանձնարարում է կատարել ավելի խորը դիտարկում:
«Ներկայումս անհրաժեշտ է անցկացնել այս պահին հարկավոր միջուկային վառելիքի մատակարարումների ամբողջ համակարգի վերաբերյալ ազգային անվտանգության պատկերացումների ավելի ամբողջական վերլուծություն»,- նշված է ԱՄՆ նախագահի հուշագրում:
Էներգետիկ տեեկատվության վարչակազմի տեղեկություններով՝ 2017 թվականին ԱՄՆում արտադրվել է ուրանի միայն 7 տոկոսը, իսկ մնացյալ մասը երկիր է բերվում Կանադայից, Ավստրալիայից եւ Ռուսաստանից:
Ուրանի արդյունահանման ամերիկյան ընկերությունները, ինչպես նաեւ ավելի քան 20 արեւմտյան օրենսդիրներ պնդում են, որ միջուկային գեներատորներն ավելի շատ հենվում են այնպիսի երկրների վրա, ինչպես Ռուսաստանը, Չինաստանը եւ Ղազախստանը:
