Էրդողանը թալան է անվանել ԱՄՆ հնարավոր հրաժարումը Թուրքիային F-35-ների մատակարարումից

Թուրքիայի նախագահ Ռեջեփ Թայիփ Էրդողանը թալան է անվանել ԱՄՆ հնարավոր հրաժարումը Թուրքիային հինգերորդ սերնդի F-35 կործանիչների մատակարարումից, տեղեկացնում է ՏԱՍՍ-ը՝ հղում կատարելով NTV-ին։

«Եթե հաճախորդ ունեք, որը կարգապահ փող է վճարում, ինչպե՞ս կարող եք չտալ նրան այն, ինչ նա ուզում է։ Դա կոչվում է թալան։ Մենք ներկա պահին վճարել ենք 1,4 մլրդ դոլար։ Մեր զինվորականներն ու օդաչուները ուսուցում են անցել։ Չորս ինքնաթիռ են մեզ տվել, մնացածը թողել են»,- ընդգծել է նա։

Անկարայի եւ Վաշինգտոնի հարաբերությունները վերջին ամիսներին սրվել են Թուրքիայի կողմից ռուսական Ս-400 զենիթահրթիռային համակարգեր գնելու պատճառով։ Ավելի վաղ Վաշինգտոնն արդեն նախազգուշացրել էր Անկարային, որ եթե ձեռք բերի այդ սպառազինությունները, ԱՄՆ-ը կարող է չտալ Թուրքիային F-35-ներ։