ԱՄՆ-ում պատրաստել են Ռուսաստանի դեմ պատժամիջոցները խստացնելու մասին առաջարկը. Forbes

ԱՄՆ-ի ներկայացուցիչների պալատից պահպանողական դեմոկրատները նախապատրաստել են միջոցառումների փաթեթ հակառուսական պատժամիջոցները խստացնելու եւ առաջիկա ամերիկյան ընտրությունների անվտանգությունն ապահովելու ուղղությամբ, գրում է Forbes-ը:

«Կապույտ շան կոալիցիան», որը զբաղվում է ֆինանսական պատասխանատվության եւ ազգային անվտանգության հարցերով, ներկայացրել է օրենսդրական առաջարկենրի փաթեթ՝ ի պատասխան եզրակացությունների, որոնք առաջ են քաշվել Մյուլերի զեկույցի առաջին հատորում ԱՄՆ-ի քաղաքական համակարգի վրա Ռուսաստանի հարձակումների եւ 2016 թվականին ամերիկյան ընտրություններին միջամտելու շրջանակներում: Որոշումներն արժանացել են երկկուսակցական աջակցության ինչպես պալատում, այնպես էլ սենատում»,-ասվում է հայտարարության մեջ:

Ընդգծվում է, որ առաջարկված պատժամիջոցները կանդրադառնան ռուսական որոշ բանկերին, նախագահ Վլադիմիր Պուտինի անունից գործող անձանց եւ կսահմանափակեն Ռուսաստանի սահմաններից դուրս նախագծերի ներդրումները, մասնավորապես, ԱՊՀ նախագծերի: Բացի այն, այդ սահմանափակումները կազդեն պաշտպանական արդյունաբերության, կիբեր հատվածի եւ էներգետիկայի վրա:

Դրա հետ մեկտեղ ներկայացված են փաստաթղթեր ԱՄՆ-ի նոր ընտրությունները կազմակերպելու մասին առաջարկներով: Մասնավորապես, առաջարկվում է արգելել օտարերկրյա ընկերություններին մասնակցել նախընտրական գործընթացներին, ինչպես նաեւ թարմացնել օրենքները, որոնք վերաբերում են ընտրություններին միջամտելուն: Փաստաթղթերի հեղինակները պնդում են Ռուսաստանին պատասխանատվության ենթարկելու համար:

«Այս պահին Ռուսաստանին ենթարկել պատասխանատվության եւ թույլ չտալ նրան եւ մյուս հակառակորդներին միջամտել հետագա ընտրությունների ժամանակ»,-ասվում է հայտարարության մեջ: