Կոնստանտին Խաբենսկին «Կինոտավր» փառատոնի բացման արարողության ժամանակ իր գործընկերներին կոչ է արել արձագանքել լրագրող Գոլունովի ձերբակալման փաստին

Արդեն որքան ժամանակի է, ռուսական լրատվամիջոցները քննարկում են «Մեդուզա» պարբերականի լրագրող Իվան Գոլունովի ձերբակալման շուրջ բարձրացված աղմուկը: Ահա հայտնի դերասան Կոնստանտին Խաբենսկին ևս անարդար է համարում լրագրողի ձերբակալությունը: Նա, ով այս տարի գլխավորում է Սոչիում անցկացվող Կինոտավր կինոփառատոնի կարճամետրաժ ֆիլմերի ժուրի կազղմը, փառատոնի պաշտոնականմ բացմանը հանդես է եկել հայտարարությամբ, թե չի կարելի թույլ տալ, որպեսզի «անհարմար» լրագրողին ճաղերի ետևում փակելն միայն նրա համար, որ գրում է ճշմարտությունը: Դերասանի խոսքով, կարող է այնպես ստացվել, որ վաղն էլ «անհարմար» դառնա ոչ միայն լրագրողը, այլև կինոփառատոնը: Նրա այս դիտարկումը արժանացավ ուժգին ծափահարությունների:  

Կինոտավրի կազմակերպիչները միշտ շեշտել են փառատոնի ապաքաղաքականացված լինելը, սակայն փառատոնի բեմից հաճախ հնչճել են աջակցության կոչեր այս կամ այն դերասանի կամ ռեժիսորի օգտին, ովքեր իրենց գործընկերների կարծիքով անարդարորեն հետապնդման են ենթարկվել իրենց հայացքների կամ գործունեության համար իրավապահ մարմինների  կողմից:

Հիշեցնենք, որ հունիսի 7-ին Մոսկվայի Նիկուլինյան դատարանը Մեդուզա պարբերականի լրագրող Իվան Գոլունովին ենթարկել է տնային կալանքի՝, քանի որ նրան մեղադրում են թմրամիջոցների իրացման փորձի մեջ: Սակայն նրա գործընկերները վստահ են, որ մեղադրանքը ձևական է, իրականում նպատակ է եղել դադարեցնել նրա գործունեությունը: Նրանք վստահ են նաև, որ Գոլունովը երբեք գործ չի ունեցել թմրամիջոցների հետ: Արդեն երրորդ օրն է, Ռուսաստանում  չեն դադարում Գոլունովի արդարացմանն ուղղված բողոքի ակցիաները: 

Ինքը լրագրողը վստահ է, որ ձերբակալման համար պատճառ է հանդիսացել իր հոդվածը՝ կապված թաղման բյուրոների բիզնեսդի հետ: Նա պնդում է, որ մինչ այդ սպառնալիքներ է ստացել, որպեսզի չհրապարակի այդ հոդվածը:

Տվյալ լրագրողական հետաքննության մեջ Գոլունովը խոսում է այն մասին, որ թաղման բյուրոների բիզնեսում բաժին ունենն Ռուսաստանի Մոսկվայի շրջանի Հետախուզման Դաշնային ծառայության ուժայինները: Հոդվածում լրագրողը նշում է կոնկրետ մեկ-երկու ընկերության անվանում, հարյուրավոր մլն ռուբլու դրամաշորթումներ և այլն: Հոդվածը լույս է տեսել 2018 թվականի օգոստոսի 14-ին: