Հրապարակվել է Նյու Յորքի մետրոյում ռելսերի վրա ընկած տղամարդուն փրկելու տեսանյութը

ԱՄՆ Նյու Յորք քաղաքի մետրոյի կայարանում անհայտ անձն ընկել է ռելսերի
վրա և ողջ մնացել։ Համացանցում է հայտնվել փրկարարական աշխատանքների տեսանյութը։ Այս մասին փոխանցում է Lenta.ru-ն։

Միջադեպը տեղի է ունեցել ապրիլի 28-ին՝ տեղի ժամանակով 18:30-ի սահմաններում։
«Մոտեցող գնացքի մեքենավարն արագ արգելակել է։ Այդ ժամանակ ես, նայելով
ռելսերին, նկատեցի ընկած տղամարդուն։ Հավաքվածներն անմիջապես
շտապօգնություն կանչեցին»,- պատմել է ականատեսներից մեկը:

Կադրերում երևում է, թե ինչպես են փրկարարները տղամարդուն բարձրացնում
ռելսերից և պատգարակով տանում։ Տուժածին տեղափոխել են հիվանդանոց։ Նրա
առողջական վիճակի մասին տեղեկություններ չեն հաղորդվում։