Մենք պատրաստ ենք քննարկել Ուկրաինայի եւ Ռուսաստանի համատեղ գոյակցության նոր պայմանները. Վլադիմիր Զելենսկի

Նախագահական մրցավազքի առաջնորդ Վլադիմիր Զելենսկին հայտարարել է, որ կարիք չկա խոսել Ուկրաինայի եւ ուկրաինցիների հետ սպառնալիքի, ռազմական եւ տնտեսական ճնշման լեզվով, հաղորդում է ՈՒՆԻԱՆ-ը:

Նրա կարծիքով, դա կրակը դադարեցնելու եւ Մինսկի գործընթացը ապարագելափակելու համար լավագույն ճանապարհը չէ: Ընդ որում, նա ընդգծել է, որ պատրաստ է բանակցություններ անցկացնել: «Ես հուսով եմ, որ նորմանդական ձեւաչափով առաջիկա հանդիպման ժամանակ Ռուսաստանը կցուցադրի ապաէսկալացիայի պատրաստակամությունը: Այդ պատրաստակամությունը պետք է ամրապնդվի մեր քաղաքացիների երկկողմանի փոխանակմամբ «բոլորը բոլորի դիմաց» ձեւաչափով եւ առանց բացառության: Մենք պատրաստ ենք քննարկել Ուկրաինայի եւ Ռուսաստանի համատեղ գոյակցության նոր պայմանները՝ հասկանալով, որ իսկական նորմալացումը տեղի կունենա միայն ամբողջական ապաշրջափակումից հետո ինչպես Դոնբասի, այնպես էլ Ղրիմի: Ուկրաինան չի հանձնվում այդ բառի բոլոր իմաստներով»,-ասվում է Զելենսկու հայտարարության մեջ, որը հրապարակվել էր Telegram-ալիքում իր թիմի կողմից: Նա նաեւ հույս է հայտնել, որ «Ռուսաստանում, այնուամենայնիվ, ավելի հակված են խոսելու, քան կրակելու»:

ՈՒՆԻԱՆ-ի հաղորդմամբ, ավելի վաղ Պուտինը հայտարարել էր Զելենսկու հետ բանակցություններ վարելու պատրաստակամության մասին Դոնբասում պատերազմն ավարտելու համար: