Օմբուդսմենը ներկայացրել է դպրոցների ու մանկապարտեզների սանհանգույցների և ջրամատակարարման վիճակը
Հայաստանի մարդու իրավունքների պաշտպան Արման Թաթոյանը ներկայացրել է դպրոցների եւ մանկապարտեզների սանհանգույցների եւ ջրամատակարարման վիճակի մոնիթորինգի արդյունքները։ Ծրագիրն իրականացվում է 2017 թվականից, մոնիթորինգը կատարվել է 201 դպրոցում եւ մանկապարտեզում (121 դպրոց եւ 80 մանկապարտեզ)։ Ուսումնական հաստատություններն ընտրվել են ազատ։
Ինչպես ընդգծել է Թաթոյանը, մոնիթորինգը ահավոր վիճակ է պարզել։ Նա միաժամանակ նշել է, որ մինչեւ հաշվետվության հրապարակումը հարցումներ է ուղարկել համապատասխան գերատեսչություններ եւ քննարկումներ անցկացրել կրթության ու գիտության նախարարության հետ։ Այնտեղ հավաստիացրել են, որ բարձրացված բոլոր հարցերը կլուծվեն։ Իրենց կողմից՝ դպրոցների եւ մանկապարտեզների ղեկավարները պնդում են, որ խնդիրն արագ պետք է լուծվի։ Բայց թե երբ դա տեղի կունենա՝ դժվար է ասել, քանի որ զգալի միջոցներ կպահանջվեն։
Մոնիթորինգի արդյունքները ցույց են տվել, որ գյուղական դպրոցների մեծ մասի շենքերում չկան սանհանգույցներ, դրանք գտնվում են բակում։ Շատ են օրինակները, երբ զուգարանակոնքերը միմյանցից առանձնացված չեն միջնապատով ու դռնով, կամ չեն փակվում։ Շատ են դեպքերը, երբ դպրոցներում ասիական պետքարաններ են, կամ կան սանհանգույցներ, բայց չկա հիգիենիկ ծածկ։ Դպրոցների ճնշող մեծամասնությունում եւ մանկապարտեզների 44 տոկոսում չկա տաք ջուր։ Ցածր է սանիտարահիգիենիկ մակարդակը, ինչը զգալիորեն բարձրացնում է տարբեր հիվանդություններով երեխաների վարակման սպառնալիքը։ 121 դպրոցներից 8-ում զուգարանները հարմարեցված չեն հաշմանդամների կարիքներին։
Երեխաները ստիպված են ջուր խմել հենց ծորակից կամ ընդհանուր բաժակից։ Որոշ դպրոցներում չեն եղել առանձին զուգարաններ մեծերի համար։ 76 տոկոսում չեն եղել զուգարանի թուղթ եւ սրբիչներ։ Չեն եղել առանձին զուգարաններ տղաների եւ աղջիկների համար։ Մի շարք դպրոցներում ջուր առհասարակ չի եղել։
Վիճակն ավելի վատ է եղել Շիրակի եւ Վայոց ձորի դպրոցներում։ Մոնիթորինգի արդյունքները մարդու իրավունքների պաշտպանը ներկայացրել է բավական համոզիչ լուսանկարներով։