Աստանայի անվանափոխությունից հետո բնակիչներին թույլատրել են չփոխել փաստաթղթերը

Ղազախստանի քաղաքացիները պարտավոր չեն փոխել փաստաթղթերը՝ կապված մայրաքաղաք Աստանայի անվանափոխության հետ։ Այս մասին ասվում է Ղազախստանի արդարադատության նախարարության կայքում։

Աստանան Նուր-Սուլթան է վերանվանվել Ղազախստանի առաջին նախագահ Նուրսուլթան Նազարբաևի վաղաժամկետ հրաժարականից հետո։

Մայրաքաղաքը նրա պատվին անվանակոչելու գաղափարի հեղինակը պետության նոր ղեկավար Կասիմ-Ժոմարտ Տոկաևն է։