Արցախցի 10-ամյա Միշան հիացրել է ռուսական «Голос»-ի ժյուրիին (տեսանյութ)

Արցախցի 10-ամյա տղան՝ Միխայիլ Գրիգորյանը, ով 2017թ. «Մանկական Եվրատեսիլում» Հայաստանն էր ներկայացնում, մասնակցել է ռուսական «Голос Дети» հեռուստատեսային երաժշտական մրցույթի կույր լսումների փուլին: Միխայիլը հանդես է եկել Բրունո Մարսի «Versace on the Floor» երգով:

Տղայի ելույթը հիացրել է ժյուրիի անդամներին ու հանդիսատեսին: Միխայիլի ելույթի ժամանակ շրջվել են Սվետլանա Լոբոդան ու Վալերի Մելաձեն:

«Ես Հայաստանից եմ՝ Ստեփանակերտից: Հայրս զինվորական նվագախմբի խմբավար է, իսկ մայրս մանկապարտեզում երգի ուսուցչուհի է»,- ներկայացել է արցախցի փոքրիկը:

Վալերի Մելաձեն, ում հիացրել էր Միխայիլի ելույթը, հետաքրքրվել է՝ շա՞տ են Ստեփանակերտում նրա նման տաղանդավոր երաժիշտները: