Կյանքի նպատակը հենց ապրելն է. Յոհան Վոլֆգանգ ֆոն Գյոթե

Հավատա կյանքին: Կյանքը քեզ կսովորեցնի բոլոր իմաստուններից ու բոլոր գրքերից ավելի լավ:

Ճաշակը զարգանում է ոչ թե միջակ, այլ ամենակատարյալ նմուշների հիման վրա:

Միշտ կարելի է գտնել ժամանակ, եթե այն լավ օգտագործես:

Ոչ ոք չի կարող ուրիշներին մեղադրել, քանի դեռ չի սովորել իր սեփական արարքները դատապարտել:

Վախկոտը սպառնում է, երբ անվտանգության մեջ է:

Ամենածիծաղելի ցանկությունը բոլորին դուր գալու ցանկությունն է:

Օտար երկիրը հայրենիք չի դառնա:

Այն, ինչ ձեզ համար անհասկանալի է, չի պատկանում ձեզ:

Հոգին դժբախտությունը կարող է թաքցնել, սակայն գաղտնի երջանկությանը նա չի դիմանա: